اسلام آباد۔ 27جون (اے پی پی) بنجائی حکومت 2018ءاسکان 16ہزار میگاواٹ آن زیات بجلی قومی گریڈ اٹی اوار کننگ نا ڈٹ بندی ئِ کرینے۔ ساڑی آ حکومت اقتداراٹی بننگ آن گڈ کیہی ڈٹ شروع کرینے ہرافتا مسخت توانائی نا کاختی نا ویل انا مون ئِ توننگ و انرجی مکس انا پالیسی نا رداٹ دیر و کولا آن بجلی نا پیداوار نا دوئی ئِ۔ وزارت دیر و بجلی نا کمامدارآک اے پی پی ئِ پاریر کہ حکومت توانائی نا کیہی ڈٹ آتے کن فنڈز انا فراوانی کن پرعزم ئِ و داڈٹ آتیا شونداری کاریم تا پدریسہ چاروکی ئِ کننگ انگ ئِ تانکہ اوفتے وخت انا زیہا پورو کننگے۔ حکومت 16ہزار 564میگاواٹ نا پیداواری لائخی تا حامل کولا، دیر، گیس و شمسی توانائی تون اوار تہو آن بجلی ودی کننگ نا کیہی ڈٹ شروع کرینے تانکہ توانائی نا کاختی نا مون ئِ تورسا زیات آن زیات بجلی ودی کننگ مرے۔ اوپارے کہ داڈٹ آتے ٹی ، گدو2و قائد اعظم سولر پارک انا ڈٹ اینخو نا سال اسکان پیداوار تننگ نا بنائِ کیک۔ تربیلا نا چارمیکو ودیکی ڈٹ آن 2017ءاسکان 1320 میگاواٹ بجلی ودی کننگک و ہنداوڑ جامشورو و لاڑکانہ ٹی کولا آن بجلی اُرا چلفسا 2640 میگاواٹ و 6600 میگاواٹ گڈانی پاور پارک آن بجلی ودی کننگک۔ پاکستان اٹامک انرجی کمیشن ہم ایٹمی توانائی آن بجلی نا پیداوار نا جتا ڈٹ آتیا کاریم کننگ ئِ ہرافتے ٹی کراچی، چشمہ ون و 2 نا پاور پلانٹس و سی 3، سی 4نا پاور پلانٹس اوارو۔ اوپارے کہ توانائی نا کاختی نا ویل انا چٹفنگ آن ملکی شون نا ہدف نا دوئی ئِ باوری جوڑ کننگک وخت اس کہ ایل این جی آن 3600سد میگاواٹ بجلی ودی کننگک ہراڑآن 2018 ءاسکان لوڈشیڈنگ نا پوروی اٹ خاتمہ مریک۔
