کراچی ۔25جون ( اے پی پی) پاکستان پیپلز پارٹی ءِ سینئر رہنما آں نامداریں قول امجد صابری ئِ لوگ لیاقت آباد ئَ شتگءُ ھُدا مُرزی ئِ براتءُ بچ ئِ گوما دل پدردی ئِ درشانیے کتگ۔ پی پی پی ئِ رہنما آنی تہا سندھئِ وانگءُ زانگئِ وزیر نثار کھوڑو ، سندھ ئِ سروزیرئِ مشیر برائے اطلاعات ءُ آرکائیوز مولابخش چانڈیو ، سر وزیر سندھ ئِ ھاسیں کمک کار راشد ربانی ءُ ایم این اے نفیسہ شاہ ھوار بوتگ اَنت۔ نثار کھوڑو ءھال درئِ گوما گپءُ تران کتگ ءُ گشتگ کہ امجد صابری ءُ آئی ئِ ھاندانئِ ازمت دائمئَ یات کنگ بنت۔ آئیئَ گشتگ کہ امجد صابری ئِ کوش ملکئِ ھاترئَ مزنیں تاوان اِت۔ امجد صابری ئِ کوش ازم ءِ ھاترئَ مزنیں تاوان اِت ، آئی ءِ کنڈ مدام پچ بیتءُ اے کنڈ تاں سالاں پُر نہ بیت۔ آئی ئَ گشتگ کہ امجد صابری ءَ وتی ازم ئِ وسیلگئَ سندھءُ پاکستان ءِ نام سرجمیں دگنیائَ روژناھ کتگ ، سندھ حکومت ھر موھئَ آئیئِ ازمئَ شرپ دنت۔ اے موھئِ سرءَ مشیر اطلاعات مولابخش چانڈیو ئَ گشتگ کہ ناشرکار مہرآنی بنجاھ آں آماچ کن اَنت تنکہ اُلس بے تاہیر بہ بنت۔ مولا بخش چانڈیو ئَ گشتگ کہ سندھ ئِ مردم اے وڑیں زوراکاں پروش دیئنت ءُ اے پدّر کن اَنت کہ سندھ ئِ سرڈگار امنءُ ایمنی ءُ مہر دوستیں سرڈگار اِت۔
