اسلام آباد۔ 25جون ( اے پی پی ) پاکستان پیپلز پارٹی ءِ چیئرمین بلاول بھٹو زرداری ئَ کوئٹہ ئِ عالمو چوک ئَ بوتگیں بمب تراک ئَ را ترندیں گالاں ایر جتگ کہ ایشیئِ تہا 3مردم بیران ءُ بازینے ٹپیگ بوتگ۔ پارٹی سیکرٹریٹ ئِ نیمگئَ چہ جاری بیانئِ تہا گشگ بوتگ کہ بلاول بھٹوزرداری ئَ کوئٹہ بمب تراک ، اویس شاہ ئِ آوار جنگ ءُ روچءُ رحمانیئَ امجد صابری ئِ کوش ئِ وئیل ئِ ھوالگئَ گشتگ کہ بنجاھی حکومت ءَ را اے ھوالگئَ گامیگج کنگ لوٹ ایت۔ آئی ئَ گشتگ کہ مردماناں امنءُ ایمنیءُ سلامتی ئِ ضلورت اِنت ءُ ایشیئِ پھجارینوکاں لوٹ ایت کہ اے وڑیں وئیل ئِ تہا ھواریں مردمانی ھلاپ ءَ ترندیں کاروائی بہ کنت۔ آئی ءَ کوئٹہ ئَ معصومیں مردمانی جانانی توان بوھگءِ سرئَ گم ءُ رنج ئِ درشانی کتگءُ ٹپیاناں گہتریں علاج ئِ آسراتی پھجارینگئِ سرئَ زور پِر داتگ۔
