تاشقند ۔ 23 جون(اے پی پی) پاکستانئُُ تاجکستان ئِ صدور ئَ دونیمگی سیادی ئَ را جوان ئُُ بامعنی کمک ئَ بدل کنگ ئُُ وت ما وتی بیئپار ئِ حجم ئَ را 500ملین ڈالر ئَ تا گیشتر کنگ ئِ سرا تپاک کتگ۔شنگھائی تعاون تنظیمئِ سروک دیوان ئِ موہ ئَ ازبکستان ئِ بنجاہ تاشقند ئَ بیوکیں گند ئُُ نند ئَ صدر ممنون حسین ئَ تاجکستان ئَ گوں گیشیں سیادی ئِ سرا اطمینان ئِ درشان کتگ۔آہاں کاسا 1000منصوبگ ئِ بنگیجی پہ صدر امام علی رحمان ئَ را مبارکباتی داتگ ئُُ گشتگ کہ اے منصوبگ پاکستان ئَ توان ئِ کمی ئَ پہ کمکار ثابت بیت۔ صدر مملکت ئَ گشتگ کہ دونیمگی بیئپار ئَ گیشی ئِ گنجائش ساڑی انت۔آہاں توقع کتگ کہ پاکستان،اوگانستان ئُُ تاجکستان ٹرانزٹ ٹریڈ ئَ چہ وت ما وتی کمک گیش بوت ئُُ بالی ،ڈگاریئُُ ریل رہوت دمگی دیمروئی ئَ پہ پائدگ مند انت۔ تاجکستان ئِ صدر امام علی رحمان ئَ اے موہ ئَ مزن وزیر محمد نواز شریف ئِ جان دراہی ئِ سرا مسرت ئِ درشان کتگ ئُُ صدر مملکت ئَ چہ دزبندی کرتگ کہ آں مئے نیک واھشت مزن وزیر محمد نواز شریف ئِ تاں سر کن انت ۔
