کوئٹہ۔ 22جون ( اے پی پی) سر وزیر بلوچستان نواب ثناءاللہ خان زہری ئَ چار شمبے ئَ سر وزیر سندھ سید قائم علی شاہ ئَ ٹیلی فون کنگ ئَ چیف جسٹس سندھ ہائی کورٹ سید سجاع علی شاہ ئِ زاھگ سید اویس شاہ ایڈووکیٹ ئِ بحفاظت بازیابی ئِ ھاتر ئَ سرجمیں کمک ئُُ تعاون ئِ یقین دہائی کنگ ئَ گشتگ کہ بلوچستان حکومت اے معاملہ ئَ سندھ حکومت ئِ سرجمی ئَ کمک کنت۔ چوشکہ نواب ثناءاللہ خان زہری ئَ انسپکٹر جنرل پولیس بلوچستان احسن محبوب ئَ سندھ بلوچستان ئِ سیم سری دمگ آں درستیں تہی ئُُ ڈنی راہ آں سک چیکنگ کنگ ئِ پنت ئُُ شون کرتگ تنکہ کراچی ئُُ سندھ ئَ آﺅکیں درستیں موٹل ئُُ بس آں سرجمیں وڑئَ چیکنگ کنگ ئَ پد بلوچستانئَ داخل ئِ موکل دئیگ بہ بیت ئُُ اے ھوالہ ئَ بوﺅکیں پیشرفت ئَ روچی ئِ بنیات ئِ سرا سر وزیر سیکرٹریٹ ئَ آگاہ بہ کن ات۔
