اسلام آباد۔ 22جون ( اے پی پی) صدر مملکت ممنون حسین ئَ اے گپےئِ سرا زورداتگ انتکہ اوگان مہاجرین آنی واپسی باز المی ئُُ خطہ ئَ پائیدار امنئُُ دیمروی ئِ ھاترئَ پاکستانئِ کوشست آنی جزو لاینفک انت۔ میاں استمانی برات اے مکسد ئِ پجارینگ ئِ ھاتر ئَ یکجار کار بہ کن انت۔ آئی ئَ اے گپ اقوام متحدہ ئِ ہائی کمشنر برائے پناہ گزین فلیپو گرانڈیءِ گوں گپئُُ ترانکنگ ئَ کرتگ آھاں چار شمبے ئَ ایوان صدر ئَ آئی گوں گندئُُ نندکرت انت۔ بنجاہی وزیر سیفران لیفٹیننٹ جنرل (ر) عبدالقادر بلوچ ہم اے موہ ئَ ھوار ات۔ صدر ممنون حسین ئَ پاکستانئَ یو این ایچ سی آر ئِ خیر مقدم کنگ ئَ گشتگ کہ پاکستان آھاں گوںہمگرنچ ملکئَ درستیں اوگان مہاجرین آنی زوت واپسی ئِ آئی ئِ ترجیحی مکسد ئِ باروا سک آسر ئِ پجارینگ ئِ ھاترئَ یکجا کار کنگئِ واہشت داریت۔ آئی ئَ گشتگ کہ میاں استمانی برات آنی سرا مہاجرین آنی کاز ئِ ھوالہ ئَ مزنیں ذمہ واری بیت انت۔ آئی ئَ گشتگ کہ پاکستانئَ سے دہائی آں چہ زیات وھد ئَ وتی ڈگار ئِ سرا لکھ آنی اوگان مہاجرین آنی میزبانی کنگئَ اے ھوالہ ئَ ھاسیں کرد پیش دارگ ئَ انت۔ صدر ممنون حسینئَ گشتگ کہ مہاجرین آنی رو برکت ئِ نیمگ ئَ دراجیں کساس ئَ ہجرت ئِ آسرئَ نوں مہاجرین آنی مسئلہ ئِ جہت ئُُ کساس ئِ باروا شر افہام ئُُ تفہیم ئُُ احساس گپت انت۔ آئی ئَ گشتگ کہ اے گپے ئِ سرا زور داتگ کہ اوگان مہاجرین آنی میزبانی ئَ سیاسی، چاگردی ئُُ اقتصادی ، سلامتیئُُ چاگردی آسرئَ ہمگرنچ پاکستانئِ قربانی آں نوں رو برکتی دگنیائَ شر یں وڑئَ سہڑائینگ لوٹیت۔ صدرئَ اے گپے ئِ سرا ہم زور داتگ کہ پاکستان خطہئَ امن ئُُ محکمیئِ ھاتر ئَ اوگان مہاجرین آں وتی وطن واپسیئِ ھوالہ ئَ جائز امیت دار انت۔ آئی ئَ اے گپے ئِ سرا زور داتگ کہ دگنیا ئَ نا شرکاری ئُُ انتہا پسندیئِ لعنت ئَ دو چار کنگ ِ ھاتر ئَ شریںکوشست ئِ ضلورت انت تنکہ درستیں دگنیا ئَ امنئُُ محکمی پیداک بوتگ ئُُ دگنیائِ درستیں بہر آں مہاجرین آنی بحران ھلاس بیت۔ اقوام متحدہ ئِ ہائی کمیشن برائے مہاجرین فلیپو گرانڈی ئَ بز مزنیں کساسئَ اوگان مہاجرین آنی میزبانی کنگ ئَ پاکستانئِ کم کنگ ئِ سرا آئی ئِ شکر ادا کنگئَ گشتگ کہ آئی ئِ ادارگ اوگان مہاجرین آں وتی وطن واپسی ئِ ھاترئَ شریں چاگرد پیداک کنگ ئَ آھانی دیریں مسئلہ ئِ ھل ئِ ھاترئَ کوشست بہ کنت۔ صدر ئَ فلیپو گرانڈی ئَ اقوام متحدہ ئِ ہائی کمشنر برائے مہاجرین آنی جہت ئَ تقرری ئِ سرا مبارکباتی داتگ۔
