سمر قند۔22جون (اے پی پی) صدر ئِ مملکت ممنون حسین شنگھائی تعاون تنظیم (ایس سی او) ئِ سروک دیوان ئَ بھر زورگ ئِ ھاترا اولی گشت ئِ واستہ ازبکستان ئِ شہر سمر قند ئَ سر بوتگ۔ مزن وزیر ئِ مشیر برائے درئی کار سر تاج عزیز ، درئی کارانی سیکرٹری اعزاز احمد چوہدری ئُُ ایندگہ مزن مزنیں کارندہ ھم آئی ئِ ھمبراھ اَتاں۔ صدر ئِ مملکت ئَ سمر قند ئِ نامداریں دُرئیں دانک زانت حضرت امام بُخاریؒ ئِ ادیرہ ئِ سر ئَ ھازری دات۔آئی ئَ دُرئیں دانک آنی پولکاری ئُُ نیک راھی اِزمت آنی پد ئَ امام بُخاری آرا سلام پیش کُت۔ صدر ئِ مملکت ئَ اے موہ ئَ پاکستان ئِ سلامتی، وشھالی ئُُ دیمروئی ئِ ھاترا دُعا ئِ نیک ھم کُت۔ صدر ئِ مملکت ممنون حسین ئَ شنگھائی تعاون تنظیم ئِ دو روچی دیوان ئَ پاکستان ئِ نمائندگی ئَ کنت، ایش پنچ شمبے ئِ روچ ئَ ازبکستان ئِ دارلحکومت تاشقند ئَ بندات بوھگی اِنت۔ پاکستان ئَ را سروک دیوان ئِ تہ ئَ ایس سی او ئِ پکائیں باسک دیگ بیت۔
