پاک اوگان سیمسری جیڑھاں امنءُ ایمنی ءُ سول ءُ تران ئِ وسیلگئَ گیشءُ گیوار کنگ دوھیں ملک ءُ خطہ ئِ ھاترئَ سک باز المّی اِنت، پیسرگیں سفیر رستم شاہ مہمند

اسلام آباد۔21جون ( اے پی پی ) پیسریں سفیر رستم شاہ مہنمد ءَ گشتگ کہ پاک اوگان سیمسری جیڑھ امنءُ ایمنیءُ سول ءُ تران ئِ وسیلگئَ گیشءُ گیوا ر کنگ دوھیں ملک ءُ خطہ ئِ ھاترئَ سک باز المّی اِنت۔ ریڈیو پاکستان ئِ حالات حاضرہ ئِ مراگش ئِ تہا گپ ءُ تران کتگءُ آئیئَ گشتگ کہ طورخم سیمسر باپار ءُ مردمانی رﺅگءُ آھگ ئِ ھاترئَ دوھیں ملک آنی درنیامئَ ھاسیں کشک اِت، ایشیئِ بندبوھگئِ سببئَ باپارئَ را ارباں کلدارئِ تاوان بیت۔ آئیئَ گشتگ کہ لڈءُ بار کنوکءُ دگہ مردمانی سیادءُ وارث ھم اے کشکئَ چہ سفر کنت اگاں اے بند کنگ بہ بیت گڑ ا اے مردم جیڑھ ءُ جنجالانی دیم پانی ئَ کن اَنت۔ آئیئَ گشتگ کہ دوھیں ملک آنی حکامئَ را لوٹ ایت کہ آ طورخم ءُ چمن سیمسر ئَ را باپار ءُ دگہ کارانی ھاترئَ پچ کنگئِ ھاترئَ مھکمیں گامیگج بہ کنت۔