صدر ئِ مملکت ممنون حسین ئِ بندیگ جاھ آنی تہ ئَ زالبول ئُُ زھگ آنی کمک کنگ ئَ پہ بُنجاھی محتسب ئِ کرد ئِ ھوالگ ئَ دیوان ئَ تران
اسلام آباد۔ 21جون (اے پی پی) صدر ئِ مملکت ممنون حسین ئَ بندیگ جاھ آنی تہ ئَ زھگ ئُُ زالبول آنی جاور ال آنی تہ ئَ گہتری آرگ ئِ ھاترا مھکمیں ئُُ سرجمیں گامگیج زورگ ئِ سر ئَ زور دات ئُُ گوشت کہ اے پڑ ئَ بُنجاھی محتسب ئِ کار لائک توسیپ ءُ ساڑ ااَنت۔ صدر ئِ مملکت ممنون حسین ئَ اے ھیالانی درشانی سئے شمبے ئَ بندیگ جاھ آنی تہ ئَ بندیگ ایں زالبول ئُُ زھگ آنی کمک کنگ ئَ پہ بُنجاھی محتسب ئِ کرد ئِ ھوالگ ئَ ایوان ئِ صدر ئَ برجم داشتگیں دیوان ئَ گوں تران کنان ئَ گوشت۔ بُنجاھی محتسب سلمان فاروق ئُُ پیسریگیں جسٹس سندھ ہائی کورٹ جسٹس ناصر اسلم زاہد ھم اے موہ ئَ ساڑی اَتاں۔ صدر ئِ مملکت ممون حسین ئَ اے کار آنی توسیپ کُت ئُُ آمید گس ئَ را حکم دات کہ بندیگ جاھ آنی تہ ئَ بندیگ ایں زالبول ئُُ زھگ آنی جاور اٰل آنی تہ ئَ گہتری ئِ ھاترا یک سرجم ئُُ برجمیں رپوٹ ئِ جوڑ بکن اَنت۔ آئی ئَ اے موہ ئَ درشان کُت کہ اے رپوٹ ئِ رد ئَ کنگ ئَ چہ سک باز گہتری بیت۔ آئی ءَ گوشت کہ بندیگ جاھ آنی تہ ئَ زھگ آنی اخلاق ئُُ نیک راھی وانگ ئُُ زانگ دیگ ئَ چہ چاگرد ئِ تہ ئَ جوانیں برورد سُہرا بیت۔ اے پیم اگاں زالبول آناں بندیگ جاھ آنی تہ ئَ آواناں فنی زانت ئُُ زانش دیگ بہ بیت گڈا سک باز نپ چاگرد ئَ رسیت۔ صدر ئِ مملکت ئَ گوشت کہ اِچ حکومت ایوک ئَ گہبودی کار کُت نہ کنت۔ آئی ئَ بندیگ جاھ آنی تہ ئَ بندیگ ایں زالبول ئُُ زھگ آنی گہتری ئِ ھاترا جِندی ادارگ ئُُ است مندیں مردم آنی شریکی ئَ را وش اتک کُت۔ صدر ئَ اے گپ ئَ را ساڑات بُنجاھی محتسب ئَ عاصمہ جہانگیر ئُُ میاں محمد حنیف ئِ یکجاھی پاگواجئی ئَ بندیگ جاھ آنی تہ ئَ زھگ ئُُ زالبول آنی گہتری ئَ پہ کمیٹی جوڑ کُتگ۔ صدر ئِ مملکت ئَ است مندیں مردم ئُُ چیمبر آف کامرس ئُُ یونیورسٹیز آنی کرد آرا ساڑات۔ صدر ئِ مملکت ممنون حسین ئَ گوشت کہ اُلس ئِ آسراتی ئُُ گہبود مئے اولی کار اِت۔ صدر ئَ گوشت کہ زکوٰة ئِ دیگ ئِ جوانیں نمونگ ے بندیگ آنی سر ئِ ملام آناں ادا کنگ اِنت۔ صدر ئَ زور پر دات کہ رمضان ئِ برکتی ایں ماھ ئَ اُلس ئَ را بنی آدم آنی کمک ئُُ گہبود ئِ ھاترا دلگوشی دیگی اِنت۔ اے موہ ئِ سر ئَ بُنجاھی محتسب سلامان فاروق ئَ بندیگ آنی جاور آناں سُہرا کُت۔ آئی ئَ سرجمیں ملک ئِ بندیگ آنی آسراتی ئُُ آسودگی ئِ ھاترا کمک پُجارینگ ئَ است مندیں مردم آنی ئُُ دانش گاہ آنی کرد ئَ را ساڑات۔ اے موہ ئِ سر ئَ زمرد خان ، میاں محمد حنیف ، یاسین ملک، ایس کے نیازی، میاں محمد حامد جاوید ئُُ ملک ندیم ئَ ھوار است مندیں مردم آں زھگ ئُُ زالبول ایں بندیگ آنی ھاترا ٹیکی ئُُ سوگات دیگ ئِ جار جت۔ چیئرمین ایچ ای سی ڈاکٹر مختار ااحمد ئُُ کامسیٹس ئُُ علامہ اقبال اوپن یونیورسٹی ئِ وائس چانسلرز آں بندیگ جاھ آنی تہ ئَ بندیگ ایں زھگ ئُُ زالبول آنی وانگ ئُُ زانگ ئِ آسراتی پُجارینگ ئِ جار جت۔اے موہ ئِ سر ئَ بزگریں بندیگ آنی 50ھزار کلدار ئَ تاں ملام دیگ ئُُ ٹیکی ئُُ سوگات دیگ ئِ ھم جار جت تانکہ آ بندیگ ئَ چہ یلو بہ بنت ئُُ ائید ئِ وشیں روچاں آ وتی لوگے مردماں گوں ھواری ئَ لوگ ئَ ائید بکن اَنت۔ بندیگ جاھ آنی صوبائی انسپکٹر جنرلز ھم دیوان ئَ ساڑی اَت۔
