پاکستان ئَ اوگانستان ئِ گوں یک قدر رعایت کنگ نہ لوٹیت، سے دہائی آں اوگان مہاجرین آں شریں وڑئَ میزبانی کرت انت، نوں آ وتی وطن واپس روگ ئَ تعمیر نوئَ وتی کرد پیش بہ دار انت
گوست مزن وزیرمیر ظفر اللہ خان جمالیئِ پارلیمنٹ گِس ئِ دیما میڈیا ئِ گوں گپ ئُُ تران
اسلام آباد۔ 20جون (اے پی پی )گوست مزن وزیر میر ظفر اللہ خان جمالی ئَ گشتگ انت کہ پاکستان ئَ اوگانستانئِ گوں یک قدر رعایت کنگ نہ لوٹیت۔ حامد کرزئی وت وام ئِ سرا چلگ ئَ انت نوں گپ ئِ چے ارزشت انت۔ دو شمبے ئَ پارلیمنٹ گِس ئِ دیما میڈیا ئِ گوں گپئُُ تران کنگ ئَ گشتگ کہ پاکستان ئَ گوستگیں سے دہائی آں اوگان مہاجرین آں شریں وڑ ئَ میزبانی کرتگ نوں اوگان مہاجرین آں لوٹیت کہ وتی وطن اوگانستان واپس روگ ئَ جوڑ ئُُ جاڑی ئَ وتی کرد پیش بہ دار انت۔ آئی ئَ گشتگ کہ پاکستان ئَ اوگانستانئِ ھاتر ئَ مشکل وھد ئَ باز قربانی داتگ انت۔ بارڈر ئِ سرا سیکورٹی فورسز ئِ سرا اُرش درست نیست پاکستان لوٹیت آں اوگانستانئِ گوں ہر وڑ ئَ ہم قدر رعایت مہ کنت۔ یک جست ئِ پسوئَ آئی ئَ اوگانستان ئِ گوں صدر حامد کرزئیئِ ھوالہ ئَگشتگ کہ آ وت وامئِ سرو چلگ ئَانتآئی ئِ گپئِ ھچ ارزشت نیست۔
