لین ئِ مجموعی پیداوارگیش بوتگءُ 17ہزار 340میگاواٹ ئِ بُرزتریں تک ئَ سر بوتگ ، ٹرانسمیشن لائن آنی نظامئَ را گہتر کنگئِ ھاترئَ آﺅکیں مالی سالئِ سرکاری شعبہ ئِ سالانہ دیم روئی پروگرام ئِ تہا بازیں فنڈایر کنگ بوتگ اَنت، وزارت آپءُ لین

اسلام آباد۔ 20جون ( اے پی پی) ملک ئِ تہا لین ئِ پیداوار ئِ تہا ریکارڈ گیشی ئَ چہ توانائیئِ جاورھال گہتر بوتگ کہ ایشی ءَ چہ لوگ، صنعت ءُ دگہ صارفین ئَ را لین بے مھتلی ئَ پھجارینگئَ کمک رسیت۔ وزارت آپءُ لین ئَ گشتگ کہ شمبےئَ لینئِ مجموعی پیداوار 17ہزار 272میگاواٹ بوتگ وھدے کہ یک شمبے ئِ روچئَ اے گیش بوتگ ءُ 17ہزار 340میگاواٹ ئِ بُرز تریں تک ئَ سر بوتگ۔ ایشی ئَ چہ پیسر گیش لین ئِ پیداوار ئِ ریکارڈ 16ہزار 886میگاواٹ بوتگ۔ لین ئِ پیداوار ئِ تہا یکوئی گیشی ئَ چہ پدٹرانسمیشن لائن آنی نظامئَ ھم گہتر کنگ بوھگئَ اِنت ءُ اے مدئَ آﺅکیں مالی سالئِ سرکاری شعبہ ءِ سالانہ دیم روئی پروگرام ئِ تہا گیش فنڈ ایر کنگ بوتگ اَنت تنکہ لینئِ پیداوار ئِ تہا گیشی ئَ چہ پد ترسیل ئِ نظام ھم گہتر کنگ بہ بیت۔