اسلام آباد۔20جون (اے پی پی) چین پاکستان اقتصادی راہداری منصوبگ ئَ تُرندی آرگ ئُُ کاروبار ی مردمانی ھاترا آسراتی پُجارینگ ئِ ھاترا حبیب بینک چین ئِ شہر مچی ئَ وتی برانچ پچ کنت۔ دو شمبے ئِ روچ ئَ بُنجاھی وزیر انجینئر خرم دستگیر خان ئَ ایچ بی ایل ئِ چیئر مین سلطان علیل الانا ئِ ھمبراھیئَ پریس کانفرنس ئَ گوں تران کنا ن ئَ گوشت کہ اے اولی پاکستانی بینک بیت کہ گوزوکیں سال ئِ گُڈ ئَ چین ئِ شہر مچی ئَ وتی برانچ ئَ پچ کنت۔ آئی ئَ گوشت کہ حبیب بینک لمیٹڈ ئِ نوکیں برانچ ئِ پچ بوھگ ئَ نہ ایوک ئَ سوداگر آنا نپ ئُُ سیت رسیت بلکینگ ئَ 46ارب ڈالر ئِ سی پیک منصوبگ ئِ سر ئَ تُرندی آرگ ئَ کمک رسیت۔ آئی ئَ گوشت کہ بنداتی رنگ ئَ چین ئَ کُجام ھم بینک ئِ برانچ ئِ پچ کنگ ئَ سک باز سنگینی است بلے چین ئِ حکومت ئِ نیمگ ئَ شرت آنی تہ ئَ ھاسیں رنگ ئَ نرمی ئُُ کمک دوئیں ملک ئِ جوانیں سیادی ئِ سبب ئَ اے کار بوتگ۔
