وزیراعلیٰ بلوچستان نواب ثناءاللہ خان زہری تاریخی ئُ بجٹ اس پیش کرسا بلوچستان نا الس ئِ فائدہ رسیفے، پاکستان مسلم لیگ (ن) نا سینئر راہشون و باسک صوبائی اسمبلی میر غلام دستگیر بادینی نا ”اے پی پی“ تون ہیت وگپ

کوئٹہ۔ 20جون (اے پی پی) پاکستان مسلم لیگ (ن) نا سینئر راہشون و باسک صوبائی اسمبلی میر غلام دستگیر خان بادینی پارینے کہ وزیراعلیٰ بلوچستان نواب ثناءاللہ خان زہری نا کنڈآن گچین بجٹ پیش کننگ آ مبارکبادی ترسا پارینے کہ مسلم لیگ (ن) نا حکومت بنجائی کہول یا صوبائی کہول آ شون و شونہالی نا کسر آ ملک و صوبہ ئِ روان کرینے۔ ساڑی آ بجٹ آن صوبہ ٹی شونداری عمل ترند مریک و خلقت آتے روزگار نا وارخواہی ملک۔ ساڑی آ حکومت بے پرخ السی خذمت آ یخین تخک ہندا سوب ئِ کہ صوبہ نا غٹ علاقہ غاتے ٹی شون نا اسہ وڑدورانا بناءمسنے۔ سی پیک ڈٹ آن بلوچستان اٹی شونہالی نا پوسکن ئُ دور اسینا بناءمریک ہراڑآن یقینا نیزگاری ، بے روزگاری کون آ ویل آک ایسر مریرہ وزیراعلیٰ بلوچستان نواب ثناءاللہ خان زہری بلوچستان ئِ مثالی صوبہ اس جوڑ کننگ کن پین گام گیج کننگ ئِ ۔ داخیال آتا درشانی ئِ او ”اے پی پی“ تون ہیت وگپ کرسا پارے۔ اوپارے کہ وزیراعلیٰ بلوچستان ثناءاللہ خان زہری نا کنڈآن پیش کروک آ بجٹ الس نا است خواہی تا وڑوڈول ئِ تعلیم، جان جوڑی و امن و ایمنی نا بابت ہرازر ئِ تخنگانے اوڑآن بلوچستان ٹی تعلیم و جان جوڑی نا بشخ اٹی گچینی بریک و اوڑتون ہی امن و ایمنی نا حالیت آتے ٹی ہم کافی گچینی بریک ، باسک صوبائی اسمبلی میر غلام دستگیر بادینی مستی پارے کہ سی پیک ننا مخ انا ملی ئِ پاکستان اقتصادی راہداری پورو مننگ آن گڈ ہراتم خلقت آتا رسائی آسان مریک تو داجاگہ نا خلقت آتے زبردست فائدہ دوئی مریک چین پاکستان اقتصادی راہداری نا ڈٹ تاریخ اٹی اسہ اہم ئُ سنگ میل اس ثابت مریک ہراڑآن دا ڈیہہ ٹی زبردست فروغ دوئی مریک و الس نا طرز زند اٹی انقلاب بریک۔ سی پیک ڈٹ یقینا علاقہ نا الس کن شون و شونہالی و کاروباری وارخواہی نا کلہوئِ ہتیک۔ اوپارے کہ صوبائی حکومت صوبہ نا شون اکن دے و نن پبی کوشست کننگ ئِ نوشکی نا علاقہ ٹی کروڑ آ روپئی تا اسکیم آتیا ترندی اٹ کاریم جاری ئِ علاقہ ٹی جان جوڑی تعلیم و پین آسراتی فراوان کننگ کنا اولین اولیت ئِ۔