اسلام آباد۔18جون ( اے پی پی) اوگانستان ئِ دری کارانی نائب وزر حکمت کرزئی ئِ سروکی ئَ اوگان ڈل 20جون ئَ پاکستانءِ ترءُ تاب ئَ کنت۔ اوگان ڈل پاکستانی حکام ئِ گوما گندءُ نندئِ تہا طورخم سیمسراں کراسنگ ئِ ھوار سیمسر منیجمنٹ ئِ دگہ کارانی سرئَ ھیال ءُلیکہ ئِ درشانی کنگ بیت۔ شمبےئِ روچئَ دری کارانی کارگس ئِ جارچین ئَ گشتگ کہ دری کارانی صلہ کار سرتاج عزیز ئَ اوگان نیشنل سکیورٹی ایڈوائزرءُ دری کارانی وزیرئَ را پاکستان ئِ ترءُ تاب کنگئِ دعوت داتگ کہ ایشیئِ پسوئَ اوگانستان ئِ دری کارانی نائب وزیر حکمت کرزئی ئِ سروکی ئَ اوگان ڈل 20جون ئَ دوشمبے ئِ روچئَ اسلام آبادئَ سربیت۔ جارچین ئَ گشتگ کہ پاکستان اوگان ڈل ئِ ترءُ تابئَ را وش اَتک کنتءُ دوھیں ملک آنی درنیام ئَ بامعنی گپءُ تران ئِ وسیلگ ئَ دو نیمگی سیادی ءُ خطہئِ تہا امنءُ ایمنی ئِ جوڑ کنگئِ کوشست ئَ را گیش کنت۔
