اسلام آباد۔18جون (اے پی پی) وزیر ئِ ھزانگ اسحاق ڈار ئَ گوشتگ کہ تحدید قرضہ ایکٹ ئِ رد ئَ وام آنی کساس ئِ تہ ئَ یک شل ئَ کمیگ بوھگ ئَ اِنت پد اھم 1999ئَ چہ 2013ئَ تاں در جتگیں 12ھزار ارب ئِ وام آنی ھساب مسلم لیگ (ن) دات نہ کنت، 2018ئَ تاں 2023ئِ وام آنی جی ڈی پی ئِ 57درسد ئَ آرگ ئِ لکیر کشیتگ، سرکاری ھرچ ئُُ درچ آنی تہ ئَ کمی کنگ بوھگ ئَ اِنت، وزیر ئِ ھزانگ ناں اللہ ئِ حبیب ئِ غلام بوھگ ئِ بستار ئَ اِزمت کنگ ئَ آں۔ مار یکے دومیگ ئِ شرپ ئُُ اِزت المی کنگی اِنت۔ یک شمبے ئِ روچ ئَ قومی اسمبلی ئِ دیوان ئِ ساھت ئَ لازمی ھرچ ئُُ درچ آنی سر ئَ باست ئُُ واست آناں یکجاھ کنان ئَ وزیر ئِ ھزانگ اسحاق ڈار ئَ گوت کہ سینٹ سفارش ارچی کہ منگی بوتگ اَنت ما منِ اِتگ آں، ھالانکہ پیسر اے وڑیں گپ ئُُ گال رد کنگ بوتگ اَنت۔ آئی ئَ گوشت کہ ھژدھمی مٹ ئُُ بدلی ئَ پد صوبگ آناں کپئُُ لپئیں بجٹ جوڑ کنگ ئِ موہ دیگ بوتگ۔ سئیں صوبگ آنی بجٹ کپ ئُُ لپئیں اَنت۔ سے سالانی تہ ئَ 60درسد گروتھ بوتگ۔ مالیاتی کپ ئُُ لپئیں بجٹ ئَ را منگ ئِ مول ئُُ مراد ھمیش اِنت کہ پارلیمنٹ وام زورگ ئِ اجازت ئَ دیگ ئَ اِنت۔
