اسلام آباد۔18جون ( اے پی پی) آپءُ لین ئِ بنجاھی وزیر عابد شیر علی ئَ گشتگ کہ طاہر القادری ماڈل ٹاﺅن وئیل ئَ را سیاسی مولءُ مراد ئِ ھاترئَ کارمرز کنگئَ اِنت، عمران خان پاکستان دوست پالیسی آں ایرجنت، پاکستان مسلم لیگ نون متحداِنت۔ شمبے ئِ روچئَ مزن گس ئَ چہ ھال درئِ گوما گپءُ تران کنان ئَ آئیئَ گشتگ کہ حکومت ئِ سرئَ طاہرالقادریئِ دھرنا آنی ھچ اثر نہ بیت، آ یک سالے ئَ پد پاکستانئَ کیئت۔ آئی ئَ گشتگ کہ طاہرالقادری ماڈل ٹاﺅن وئیل ئَ را سیاسی مول ءُ مرادئِ ھاترئَ کارمرز کنگ لوٹ ایت۔ بنجاھی وزیر ئَ گشتگ کہ عمران خان دگّانی سرئَ نشتگ، ملک دوست پالیسی آں ایر جنگ آئیئِ مولءُ مراد اِنت۔ یک جُستےئِ پسوئَ آئیئَ گشتگ کہ پاکستان مسلم لیگ ن متحد اِت۔ راجی اسمبلی ئَ کورم ئِ ھوالگئَ یک جُستےئِ پسوئَ آئیئَ گشتگ کہ رمضا ن المبارک ئَ باسک عبابت ئِ تہا دزگٹ بنت ھمے ھاتر ئَ بازیں وھدئَ کورم ئِ جیڑھ دیم ئَ کیئت۔
