اسلام آباد۔15جون ( اے پی پی ) جماعت اسلامی ئِ امیر سینیٹر سراج الحق ئَ گشتگ کہ پاکستان ءُ اوگانستان براتیں اسلامی ملک اَنت، دوھیں ملک راج دپتری سیادیئِ تہا بندوک اَنت، دوھینانی درنیامئَ گیش بوتگیں نہ تپاکی بھارتی پندل اِت۔ چارشمبےءِ روچئَ مزن گس ئَ چہ ڈن ھال درئِ گوما گپءُ تران کنانئَ آئی ئَ گشتگ کہ پاکستان ءُ اوگانستان ئَ را یک جاھ نندگ ءُ اے جیڑھئَ را گیشءُ گیوار کنگ لوٹ ایت، پاکستان ئَ مدام اوگانستانئِ کمک کتگ۔ 25ئَ چہ 30لکھ اوگان لڑبار کنوک پاکستانئَ نشتگ اَنت ءُ پاکستان گوستگیں 30سالاں آھانی مہمان جہلیئَ کنگئَ اِنت۔ یک جُستے ئِ پسوئَ آئیئَ گشتگ کہ احتساب یک مردمے ئِ نہ بلکیں بے ریاءُ روح درسانی بوھگ لوٹ ایت۔ سینیٹر سراج الحق ئَ گشتگ کہ خیبر پختونخوا ئِ حکومتئَ را سوبمندیں بجٹ پیش کنگئِ سرئَ مراد بات پیش کن اَنت، صوبائی حکومت ئَ خواجہ سرا آنی ھاترئَ بجٹئِ تہا فنڈ ایر کتگ ءُ درورے جوڑ کتگ ایشی ئَ چہ دومی صوبہ آناں ھم سکین زورگ لو ٹ ایت۔
