اسلام آباد۔15جون ( اے پی پی ) پاکستان مسلم لیگ نون ئِ رہنما ءُ پیسرگیں بنجاھی وزیر سینیٹر مشاہد اللہ خانئَ گشتگ کہ طاہر القادری ملکی سیاست ئِ بھر نہ اِنت ھمے ھاترئَ آئیئِ پانامہ ٹی او آرز ئَ گوں تعلق نیست ، پاک چین اقتصادی راہداری منصوبہ ئِ ھلاپ ئَ میاں اوستمانی اتحادے جوڑ بوھگئَ اِنت ۔ چارشمبے ءِ روچ ئَ مزن گس ئِ ڈنئَ ھال درئِ گوما گپءُ تران کنانئَ آئی ئَ یک جُستےئِ پسوئَ گشتگ کہ طاہرالقادری کجام گپ ئِ سرئَ زارشانی کنگئَ اِنت، آ سیادی پندل سازگ ئَ اِنت، آئی ءَگشتگ کہ طاہرالقادری ملکی سیاست ئِ بھر نہ اِنت ھمے ھاترئَ آئیئِ پانامہ ٹی او آرز ئَ گوں ھچ ھمگرنچی نیست۔ سینیٹر مشاہد اللہ خانئَ گشتگ کہ پاک چین راہداری منصوبہ ئِ ھلاپئَ میاں اوستمانی اتحادے جوڑ بوھگئَ اِنت۔ یک جُستےئِ پسوئَ آئی ئَ گشتگ کہ اپوزیشن ئِ دگّانی سرئَ آھگ ئَ چہ حکومتئَ را ھچ نہ بیت البت پاکستان پیپلزپارٹی یک سنجیدہ گل اِت آ ایشانی دھرنہ ئَ ھوار نہ بیت۔
