اسلام آ باد۔15جون ( اے پی پی ) مزن وزیر محمد نواز شریف ئَ پاکستانئَ را گیش پاھدگ مندیںمارکیٹ ءِ درجگ حاصل بوھگئِ سرئَ ھزانگ ئِ وزیر محمد اسحاق ڈارءُآئیئِ ٹیمئَ را مراد بات داتگ۔ چارشمبے ئِ روچئَ وتی کلوھئِ تہا مزن وزیر ئَ گشتگ کہ پاکستان ئِ ھاترئَ گیش پاھدگ مندیں مارکیٹئِ درجگ کواسیں اقتصادی پالیسیءُ مھکمیں مالیاتی نظم ءُ ضبط ئِ سبب ءَ اِنت۔ آئیئَ اے سوبمندی ئِ سرئَ سرجمیں اقتصادی ٹیم ئَ را دل ئِ جہلانکی ئَ چہ مراد بات داتگ کہ آھاں بحالی ئِ ھاترئَ شپءُ روچ کار کتگ ءُ سرجمیں دگنیائِ تہا اے منگ بوھگئَ اِنت۔ آئیئَ گشتگ کہ دراھیں اقتصادی اشارےے دراج بُھریں گہتریئَ را پدّر کنگئَ اَنت۔ مزن وزیر ئَ گشتگ کہ مرچی درملکی زرمبادلہ ئِ ذخائر ملکی ملکی راج دپتر ئِ مزن تریں تکئَ سر اَنت وھدے کہ افراط زر کم تریں تکئَ اِنت ۔ آئی ئَ گشتگ پاکستان کمءُ گیش 10سالاں پد 5درسد سالانہ شرح نمو حاصل کنگئَ اَنت۔
