اسلام آباد۔ 14جون ( اے پی پی) صدر مملکت ممنون حسین ئَ گشتگ انت کہ حکومت تہی وڑ ئَ لڈ ئُُ بہر کنوکیں مردم ( آئی ڈی پیز ) ئِ واپسی ئُُ بھالی ئِ ھاتر ئَ مستعدی ئَ کار کنگ ئَ انت۔ کٹھمی اُلس ئَ وانگ ، جان سلامتی ئُُ دومی دیمروی آسراتی دئیگ ئِ ھاتر ئَ یک راہ یل دئیگ نہ بیت۔ آئی ئَ اے گپ باسک بنجاہی اسمبلی ئُُ پارلیمانی سیکرٹری وزارت وانگ ئُُ پیشہ وارانہ ھیل کاری محمد نذیر خان ئِ گوں گپ ئُُ تران کنگ ئَ گشتگ کہ آئی ئَ شمالی وزیرستان ایجنسی ئِ وتی حلقہ ئِ ٹولہ ئِ ہمراہ سے شمبے ئَ ایوان صدر ئَ آئی گوں گند ئُُ نند کرتگ۔ صدر ممنون حسین ئَ گشتگ کہ وادی شوال ئِ ھواری ئَ شمالی وزیرستان ئَ شر پسند آں سرجمیں وڑ ئَ پاک کرتگ انت ئُُ آرمی ئِ مسلسل ٓپریشن ئِ وجہ ئَ امن بھال بوتگ انت۔ صدر مملکت ئَ بے گِس بوﺅکییں مردم آن وتی گِس ئَ واپسی ئِ سرا تسلا ئِ درشانی کنگ ئَ حکومت ھندی نمائندگ ئِ گوں مشورگ ئَ مہلوک ئِ شر تری ئِ ھاتر ئَ دیمروی کار ئُُ اقتصادی ئُُ واپاری ترندی ئِ بحالی ئَ یقینی جوڑ بیت۔ صدر ئَ اے گپ ئَ سہڑائینتگ کہ فوج ئَ مردم آنی مفاد ئَ بنیاتی ڈھانچہ ئِ دیمروی ئُُ جان سلامتی ئُُ وانگ ئُُ زانگ ادارگ ئِ جوڑ ئُُ جاڑی ئِ ھاتر ئَ باز کار کرتگ انت ۔ آئی ئَ گشتگ کہ فاٹا سیکرٹریٹ ئَ ھندی نمائندگ ئِ مشورت ئَ دیمروی ئُُ فلاحی منصوبہ ئِ سرا کار تیز کنگ ئِ پنت ئُُ شون کنگ بیت۔ صدر ئَ نا شرکاری ئِ ھلپا جنگ ئَ بے مثال قربانی دئیگ ئِ سرا کٹھمی دمگ آں اُلس ئَ ستا پیش کنگ ئَ گشتگ کہ درستیں راج دمگ ئَ امن ئُُ بحالی ئَ آھانی ھذمت ئَ قدر ئِ نگاہ ئَ سیل کنت۔ پارلیمانی سیکرٹری محمد نذیر خان ئَ صدر ملکت ئَ شمالی وزیرستان ایجنسی ئَ سرجمیں دیمروی ترندی ئِ ھوالہ ئَ آگاہ کنگ ئَ گشتگ کہ حکومت ئُُ فوج ئِ ازم ئِ وجہ ئَ دمگ نا شرکاری آں سرجمیں وڑ ئَ ساپ بوتگ انت ئُُ امن بحال بوتگ انت۔ آئی ئَ دمگ ئِ بنیاتی ڈھانچہ ئِ دیمروی، جان سلامتی ئُُ وانگ ئُُ زانگ ئِ آسرتی دئیگ ئُُ کشت ئُُ کشار ئِ دیمروی ئِ ھوالہ ئَ تجویز ہم پیش کرتگ۔
