اسلام آباد۔14جون ( اے پی پی) چیئرمین سینیٹ میاں رضاربانی ئَ پنتءُ شون کتگ کہ انسانی حقوق کمیٹی انسانی حقوقئِ ھوالگئَ جتاھ جتاھیں ادارگ آنی جوڑ کنگ ءُ آئی کردانی ھوالگئَ تپاسیءَ بہ کنت۔ سئے شمبے ئِ روچئَ ایوان بالائِ اجلاس ئِ تہاسینیٹر مظفر حسین شاہ ئَ اُلسی ارزشت ئِ جیڑھئِ سرئِ سرئَ گشتگ کہ نیشنل کمیشن فاروومن ئِ چیئرمین ئِ عہدگ ھال اِنت۔ قائد ایوان مزن وزیرئَ چہ تقرری ئِ ھاترئَ دزبندی بہ کنت۔ چیئرمین ءَ گشتگ کہ چار پنچ اُمیت وارانی گلگودار کنگ بوتگ اَنت بلے لھتیں اعتراضات آں پد آ ھلاس کنگ بوتگ۔ مظفر حسین شاہ ئَ گشتگ کہ سینیٹ ئِ کمیٹی اے جیڑھئَ بہ چارایت۔آئیئَ گشتگ کہ انسانی حقوق سیل وزارت ئَ کار کنگئَ اِنت ءُ انسانی حقوق کمیشن ئِ ادارگ ھم اَست اِنت یک کارے ئِ ھاترئَ دو ادارگ آنی چے ضلورت اِنت۔ چیئرمین ءَ گشتگ کہ انسانی حقوق کمیٹی اے جیڑھئِ تپاسیئَ کنگئَ اِنت۔
