اسلام آباد۔ 14جون (اے پی پی) چیئرمین سینیٹ میاں رضا ربانی ئَ گشتگ کہ لاہورئَ ھوار ملکئِ بازیں دمگاں زالبولاں سوچگ ئِ وئیلانی سرئَ ایوان بالا ئَ چاگردئَ را واب ئَ چہ پاد کنگ ئِ کوشست کتگ۔ سئے شمبےئِ روچئَ ایوان بالا ئِ اجلاسئَ اُلسی ارزشتئِ جیڑھئِ سرئَ سینیٹر ڈاکٹر بابر اعوان ئَ گشتگ کہ زالبول ءُ زھگاں زندگی ئَ سوچگ ئِ وئیل سک اپسوزی اَنت ، تنا نوٹس زورگ ئَ چہ ھچ نہ بیت، قصورئِ وئیلئِ تاں انگت ھچ پیسلہ نہ بوتگ۔ چیئرمین سینیٹ ئَ گشتگ کہ لاہورئَ جنک زھگے ئَ را زندگ سوچگ ئِ وئیلئَ چہ ایوا نئَ اے جیڑھئَ انسانی حقوق کمیٹی ئَ را دیم داتگ کہ تنکہ اے ھوالگئَ ضلوری کانود سازی کنگ بہ بیت۔ مزن گسئِ راج دپتر ئِ تہا اولی رندءَ سوئٹی ئَ را ویک اپ کال دیئگ ئِ ھاترئَ ایوا ن ئِ کاروائی مھتل کنگ بوتگ تنکہ چاگردئَ را وابئَ چہ پاد کنگ ئِ اولی کار چہ سینیٹءَ بندات بہ بیت۔ سینیٹئَ انٹرنیٹ ءِ سرئَ بے پردگیںمراگش ( پورنوگرافی) ئِ گِرءُ دارئِ بل منظور کتگءُ راجی اسمبلی ئَ را دیم داتگ۔ سینیٹ وتی کارئَ کنگئَ اِنت۔ اُمیت اِنت کہ راجی اسمبلی ھم اے جیڑھئَ را چار ایت۔
