اسلام آباد۔14جون (اے پی پی) صدر ئِ مملکت ممنون حسین ئَ گوشت کہ پاکستان ئِ گوما فرانس ئِ یکوئی تپاکی سک باز ارزشتی اِنت۔ اے مول ئُُ مراد ئِ ھاترا فرانسیسی پالیسی ئُُ پیسلہ کنوکیں ڈل آنی گوما نزیکیں سیادی ئُُ یکوئی باز کم اِنت۔ صدر ئِ مملکت ممنون حسین ئَ اے گپ فرانس ئَ پاکستان ئِ نامینتگیں سفیر معین الحق ئَ گوں تران کنان ئَ کُت اَنت، آئی ئَ سئے شمبے ئِ روچ ئَ ایوان ئِ صدر ئَ گند ئُُ نند کُت۔ صدر ئِ مملکت ئَ گوشت کہ اَستیں جاور آنی تہ ئَ وطن دوست آنی نپ آنی رکھینگ ھاترا سفیر آنی ذمہ واری آنی تہ ئَ گیشی اتکگ۔ آواں لوٹیت کہ آ وتی توامیں ذمہ واری آں گوں جوانی ئَ پیلو بکن اَنت۔ صدر ئِ مملکت ممنون حسین ئَ گوشت کہ فرانس یورپ ئِ یک ارزشتی ایں ملک اِت کہ آ میاں اوستمانی جاور ئُُ جیڈھ آنی تہ ئَ سک باز المی ایں کرد پیلو کنت۔
