اسلام آباد۔13جون (اے پی پی) بُنجاھی وزیر تجارت انجنئر خرم دستگیر خان ئَ گوشتگ کہ پاکستان اے پڑے ھواریں رنگ ئَ دیمروئی ئِ ھاترا بازیں ملک آنی نیام ئَ یکجاھی پراجیکٹ آنی منوک اِنت۔ چین پاکستان اکنامک کاریڈور منصوبگ ھمے رِچے یک کڈئی اِت، اے منصوبگ اے پڑے کسمت ئَ مٹ کن اَنت، ایشی ئَ چہ نہ یوک ئَ پاکستان ئُُ چین نپ کار بنت بلکینگ ئَ زرباری ایشیاء، اوگانستان ئُُ نیامی ایشیاءئِ ملک آناں زرکاری ئَ یک گوں دگر ئَ بندوک کن اَنت، گلوبلائزیشن ئِ دور ئَ لازم اِنت کہ یکجائی جیڈھ آناں یکجاھی رنگ ئَ گیواری پولگ بہ بیت۔ یکجائی چار ئُُ بچار ئَ چہ اے پڑے معاشی جیڈھ آناں سرجمی ئَ ھلاس کنگ بہ بیت۔ اے ھیالانی درشانی بُنجاھی وزیر ئَ چین ئِ شہر کنمنگ ئِ چارمی چین زرباری ایشیاءایکسپو ئِ میاں اوستمانی پیداواری صلاحیت ئِ تہ ئَ کمک ئِ بابت ئَ فورم ئَ گوں تران کنان ئَ گوشت۔
