اسلام آباد۔ 13جون (اے پی پی) پاک چین اقتصادی راہداری ڈٹ انا چائندار ڈاکٹر اظہر احمد پارینے کہ پاک چین اقتصادی راہداری ڈٹ انا پوروی آن ملک اٹی روزگار نا وارخواہی ودی مریک۔ ریڈیو پاکستان تون ہیت وگپ کرسا اوپارے کہ پاک چین اقتصادی راہداری ڈٹ ملکی معیشت کن گیم چینجراس ثابت مریک و دا ملک انا قسمت ئِ بدلیفسا تخک۔ اوپارے کہ داڈٹ انا پوروی نا وخت سیکورٹی نا غٹ زمہ واری ئِ پاک فوج ہلکونے۔ اوپارے کہ گڑاس ملک دشمن عناصر داڈٹ انا کسر اٹی اڑاند ودی کننگ ئُ۔ اومستی پارے کہ داڈٹ انا پوروی آن گلگت بلتستان و بلوچستان ئِ ہم فائدہ دوئی مریک۔ ڈاکٹر اظہر احمد پارے کہ داڈٹ اتون اوار اوار حکومت ملک اٹی انفراسٹرکچر و روڈ آتا جوڑ جاڑی آ ہم خصوصی توجوہ تننگ ئِ۔ اوپارے کہ حکومت بجلی نا کیہی ڈٹ آتا بنائِ کرینے ہرافتا پوروی آن بجلی نا تنکی نا مون ئِ توننگ اٹی کمک رسینگک۔
