بھارت سندھ طاس منءُ گر ئِ ھلاپ ورزی ئَ کنگئَ اِنت، کشتءُ کشاری پڑئِ پدمنتگیئَ را ھلاس کنگئِ ھاترئَ مھکمیں گامگیج چست کنگ بہ بنت، پیپلز پارٹی ئِ باسک بیلم حسنین ئِ راجی اسمبلی ئَ بجٹئِ سرئَ واستءُ واستئَ ھیال ءُ لیکہئِ درشانی

اسلام آباد۔11جون ( اے پی پی ) پیپلز پارٹی ئِ باسک بیلم حسنین ئَ گشتگ کہ بھارت سندھ طاس منءُ گرئِ ھلاپ ورزیئَ کنگئَ اِنت، کشتءُ کشاری پڑءِ پدمنتگی ئَ را ھلاس کنگئِ ھاترئَ مھکمیں گامگیج کنگ بوھگئَ اَنت۔ شمبے ئِ روچئَ راجی اسمبلی ئِ اجلاس ئَ بیلم حسنین ئَ بجٹئِ سرئَ باستئُ واست ئِ تہا بھر زُرتگ ءُ گشتگ کہ مے چُک چُک وام دار اِنت ، مارا کفایت شعاری کنگ لوٹ ایت۔ آئی ئَ گشتگ کہ بھارت سندھ طاس منءُ گرئِ ھلاپ ورزی ئَ کنگ ئَ اِنت ءُ آئی ئَ را داروک کنگ نیست۔ھمساھگیں ملک آں چہ نیوگءُ سبزی لوٹارینگئَ چہ دھکانی ھک جنگ بوھگئَ اَنت۔ آئیئَ لوٹ کتگ کہ کشتءُ کشاری پڑ ئِ پدمنتگی ئَ را ھلاس کگئِ ھاترئَ مھکمیں گامیگج کنگ بہ بیت۔