بی بی او آئی ٹی ءِ نائب چیئرمین بلال خان کاکر ءَ ایف پی سی سی آئی ءِ صدر ءِ کارگس ءِ تر ءُ تاب کتگ، ایف پی سی سی آئی ءِ صدر ءَ گوں گند ءُ نند

اسلام آباد۔14جولائی (اے پی پی): بلوچستان سرمایہ کاری ءُ تجارت بورڈ ءِ وائس چیئرمین بلال خان کاکر ءَ ایف پی سی سی آئی ءِ صدر کارگس ءِ تر ءُ تاب کتگ۔ اے موہ ءِ سر ءَ بلال خان کاکر ءَ ایف پی سی سی آئی ءِ صدر عاطف اکرام شیخ ءُ کاروباری برات ءَ گوں گند ءُ نند کت ءُ صوبگ ءَ سرمایہ کاری موہ آنی بابت ءَ گپ ءُ تران کت۔ ایف پی سی سی آئی ءِ صدر عاطف اکرام شیخ ءَ مراگش ءَ گوں گشتانک دیان ءَ گوشت کہ بلوچستان ءَ سرمایہ کاری ءُ اقتصادی دیمروئی ءَ را دیم ءَ برگ ءِ واستہ بلال خان کاکر ءُ بورڈ آف انویسٹمنٹ اینڈ ٹریڈ ءِ کرد ءَ را ساڑات کناں۔ بلال خان کاکر ءِ سروکی ءَ چہ صوبگ ءَ بنجاہی ءُ درملکی سرمایہ کاری ءِ تہا گیشی بوہگ ءَ انت۔ عاطف اکرام شیخ ءَ گوشت کہ آئی ءِ سروکی ءَ کاروبار ءِ تہ ءَ آسانی ءُ کاروباری ضلورت آنی تہ ءَ آسانی ءِ وڑیں گامگیج ستا کرز اَنت، اقتصادی دیمروئی ھما وھد ءَ ممکن اِنت کہ توامیں ادارگ سرجمیں یکوئی ءَ دیم ءَ بہ رو اَنت۔ آئی ءَ گوشت کہ بلوچستان قدرتی وسائل ءَ چہ زرباری دمگ انت، بلے اے راجی مین اسٹریم ءَ چہ کشگ بوھگ ءَ انت، بلے انوگیں کوشست آنی برکت ءَ بلوچستان پدا راجی مین اسٹریم ءَ واتر بوھگ ءَ انت ءُ اقتصادی مرکز جوڑ بوھگ ءَ انت، صنعتی زون آنی جوڑیشت، راجی منصوبگ ءُ سرمایہ کاری بلوچستان ءِ دیمروئی ءِ عکس انت۔ صدر ایف پی سی سی آئی ءَ گوشت کہ پاکستان ءِ دیم ءَ اقتصادی چیلنج آنی تہ ءَ صوبگ آنی کمک اقتصادی برجائی ءِ ضمانت بوت کنت، نوں وھد انت کہ یکجائی ءَ اقتصادی منصوبگ تیار کنگ بہ بنت۔ آئی ءَ گوشت کہ ایف پی سی سی بلوچستان بورڈ آف انویسٹمنٹ اینڈ ٹریڈ ءِ گوما یکجائی ءَ سرمایہ کاری ءِ آرگ ءِ واستہ کار کنگ لوٹ ایت، ایکسپوز ءِ برجم دارگ ءِ واستہ امیت انت کہ اے گند ءُ نند دوئیں ملک آنی نیام ءَ ادارگی کمک ءَ را گیش مھکم کنگ ءِ واستہ کرد پیلو کنت۔ وائس چیئرمین بلوچستان بورڈ آف انویسٹمنٹ اینڈ ٹریڈ بلال خان کاکر ءَ وتی گشتانک ءِ تہ ءَ گوشت کہ بلوچستان ءَ انچو مڈّی ھست کہ ایشی ءَ چہ ایوک ءَ صوبہ نہ بلکیں سرجمیں پاکستان ایشی ءَ نپ چست کنت۔ بلوچستان ءَ فوڈ پروسیسنگ، کان کنی، سیل ءُ سواد ءُ دگہ شوبگاں سرمایہ کاری ءِ مزنیں موہ است انت۔ آئی ءَ گوشت کہ پاکستان ءِ بنجاہی سرمایہ کار 5ارب کلدار سرمایہ کاری کنگ ءَ انت۔ وائس چیئرمین بی بی او آئی ٹی ءَ گوشت کہ ایف پی سی سی آئی ءُ بی بی او آئی ٹی ءِ نیام ءَ یکجائی ورکنگ گروپ ءِ جوڑ کنگ ءِ سر ءَ یک ھپتگ ءِ تہ ءَ عمل کنگ بیت۔ بلال خان کاکر ءَ گوشت کہ ریکو دیک صوبہ ءِ تہ ءَ ایوک ءَ 5درسد معدنیات اِنت، دگہ 95درسد معدنیات سرمایہ کاری ءِ ودار ءَ اَنت۔ آئی ءَ گوشت کہ برطانیہ ءَ چہ سرمایہ کار آھگ ءَ اَنت ءُ کان کنی کنگ ءَ اَنت، پاکستان ءِ بنجاہی سرمایہ کار پرچا کان کنی کنگ ءَ نہ کن اَنت۔ بلوچستان ءِ تہ ءَ امارات، چین ءُ دگہ ملک آنی نیمگ ءَ چہ مزنیں سرمایہ کاری آھگ ءَ اِنت۔ بلال خان کاکر ءَ گیش گوشت کہ صوبگ ءَ 2 ھاسیں اقتصادی زون ءُ 2 ایکسپورٹ پروسیسنگ زون جوڑ کنگ بوتگ انت۔