وفاقی وزیر تجارت جام کمال خان ءَ لندن ءَ برطانیہ ءِ ہاؤسنگ، کمیونیکیشن ءُ لوکل گورنمنٹ ءِ وزیر ءَ گوں گند ءُ نند

اسلام آباد۔14جولائی (اے پی پی): وفاقی وزیر تجارت جام کمال خان ءَ دو شمبے ءِ روچ ءَ لندن ءَ برطانیہ ءِ ہاؤسنگ، کمیونیکیشن ءُ لوکل گورنمنٹ ءِ وزیر لارڈ واجد خان ءَ گوں گند ءُ نند کت۔ وزارت تجارت ءِ نیمگ ءَ جاڑی بوتگیں پریس ریلیز ءِ رد ءَ گند ءُ نند ءَ برطانیہ ءَ مھکمیں پاکستانی ڈائسپورا ءَ را اقتصادی ءُ چاگردی سیادی ءَ را مھکم کنگ ءِ واستہ پُل ءِ رنگ ءَ کارمرد کنگ ءِ سر ءَ تران کنگ بوتگ۔ وزیر تجارت ءَ لارڈ واجد ءَ را پاکستان برطانیہ بزنس ایڈوائزری کونسل ءِ جوڑ کنگ ءِ بابت ءَ سرپد کت۔ گپ ءُ تران ءِ تہ ءَ شہری دیمروئی، ارزانیں گس ءُ اسمارٹ سٹی آنی تہ ءَ فنی کمک ءِ نوکیں موہ آنی سر ءَ گپ ءُ تران کنگ بوت۔ فریق آں اے گپ ءِ سر ءَ تپاک کت کہ پاکستانی شہری ادارگ آناں برطانیہ ءِ کونسل آنی گوما یکجا کنگ ءَ چہ زانت ءِ بھر ءُ بانگ ءُ پائلٹ پروگرام آنی راہ پچ بوت کنت کہ ایشی ءَ چہ دوئیں ملک آناں نپ رسیت۔ وزیر تجارت ءَ شمولیت ءِ دیمروئی ءُ دمگی رابطہ کاری ءِ ھاتر ءَ میونسپل تک ءِ شراکت داری ءِ سر ءَ تران کت۔ آئی ءَ لارڈ واجد ءَ را کلیدی شوبگ آنی تہ ءَ دو نیمگی کمک ءِ واستہ پیداکیں موہ آناں پٹ ءُ پول کنگ ءِ واستہ پاکستان ءِ تر ءُ تاب ءِ دعوت ھم دات۔