عراق ءُ ایران ءَ روگ ءِ زائرین مئے واستہ سک باز المی انت، سئے نیمگی کانفرنس ءَ چہ زائرین ءَ گیشتر آسراتی رس ایت، من ایران ءِ وزیر داخلہ ءِ منت واراں کہ آئی ءَ کانفرنس ءِ بندوبست کتگ، داخلہ ءِ وزیر محسن نقوی ءِ گشتانک

تہران۔14جولائی (اے پی پی):وفاقی داخلہ ءِ وزیر محسن نقوی ءَ گشتگ کہ عراق ءُ ایران ءَ روگ ءِ زائرین مئے واستہ سک باز المی انت، سئے نیمگی کانفرنس ءَ چہ زائرین ءَ را گیش آسراتی رس ایت، من ایران ءِ تہی کارانی وزیر سکندر مومنی ءِ منت واراں کہ آئی ءَ پاکستان ءِ لوٹ ءِ رد ءَ سہ نیمگی کانفرنس ءِ برجم داشتگ ءُ پاکستان ءِ مزن وزیر ءِ یک مزن وزیرے جنگ ءِ تہا ایران ءِ ھاتر ءَ مثبت کرد ءِ پیلو کنگ بوتگ۔ اے ھیالانی درشانی آئی ءَ زیارتی مردمانی جیڈھ آنی گیواری ءِ واستہ پاکستان ءِ لوٹ ءِ پد ءَ لوٹائینتگیں سئے نیمگی کانفرنس ءَ گوں گشتانک ءِ ساھت ءَ کت۔ وزیر داخلہ ءَ گوشت کہ من ایران ءُ ایران ءِ وزیر داخلہ آناں جنگ ءِ تہ ءَ شاندار سوبمندی ءِ سر ءَ مبارکی دیان آں ۔ تہی کارانی وزیر ءَ گوشت کہ پاکستان ءَ ایران ءِ سر ءَ اُرش آناں گیشیں رنگے ءَ مذمت کتگ ءُ ایران ءِ وت ءَ را دفاع کنگ ءِ ھک ءِ سرجمی ءَ کمک کتگ۔ محسن نقوی ءَ گوشت کہ جنگ ءِ وھد ءَ پاکستانی اُلس ایرانی اُلس ءِ ھمراھی ءَ اوشتاتگ، پاکستان ءُ ایران برات اَنت ءُ مدام برات مان اَنت۔ وفاقی وزیر داخلہ ءَ گوشت کہ پاکستان ءِ مزن وزیر ءُ اے دگہ مزن اگدھے آں جنگ ءِ تہ ءَ سک باز سرگرم ءُ جوانیں کرد پیلو کتگ۔ آئی ءَ گوشت کہ پاکستان ءَ ایران ءِ واستہ ھما جوانیں کرد پیلو کتگ۔ آئی ءَ گوشت کہ پاکستان ءَ ایران ءِ سفیر امیری مقادم ادا انت ءُ آ ایشی ءِ گواہ انت۔ محسن نقوی ءَ گوشت کہ ہرکس زانت کہ اربین ءِ روچ ءَ لاکھوں زائرین عراق ءَ رونت، عراق ءِ وزیر داخلہ ءُ وزارت داخلہ ءِ نیمگ ءَ لاکھوں زائرین ءِ چار ءُ گزار ءِ وڑ ءُ پیم ستا کرز انت۔ محسن نقوی ءَ گوشت کہ عراق ءِ وزارت داخلہ ءَ را سلام پیش کناں کہ آ زائرین ءَ را جوانیں رنگ ءَ دیم ءَ برگ ءَ انت۔ تہی کارانی وزیر ءَ گوشت کہ پاکستان زائرین آنی ھوالگ ءَ عراق ءُ ایران ءِ تہی کارانی وزیر آناں ھمک رنگ ءَ دل یکیمی کنگ ءَ انت۔ محسن نقوی ءَ گوشت کہ یکم جنوری 2026 ءَ پد پاکستانی زائرین انفرادی رنگ ءَ عراق ءَ روگ ءِ موہ نہ دار اَنت، زائرین ایوک ءَ گروپ آرگنائزر آنی چیر دستی ءَ عراق ءَ روگ ءِ موہ دار اَنت۔ محسن نقوی ءَ گوشت کہ زیارتی آنی گروپ آرگنائزر آنی رجسٹریشن ءِ کار بندات کنگ بوتگ، عراق ءَ روگ ءَ زیارتی آنی واتر بوھگ ءِ زمہ واری آرگنائزر آنی سر ءَ بیت۔ محسن نقوی ءَ گوشت کہ ایوک ءَ ھما مردم کہ آھاں سفارتخانہ ءِ نیمگ ءَ ھاسیں ویزہ دیگ بیت آ انفرادی رنگ ءَ عراق ءَ روگ ءِ وس ءَ کن اَنت، گروپ آرگنائزر آنی نظام ءَ چہ ناجائزیں رنگ ءَ عراق ءَ روگ ءُ گیشیں وھد ءَ نندوکیں مردمانی رجحان ھلاس بیت۔ وفاقی وزیر داخلہ ءَ گوشت کہ عراق ءُ ایران ھم پاکستان ءِ اے نوکیں نظام ءِ گوما اَنت، ما یکجائی گامگیج چست کتگ اَنت کہ آ ناجائزیں رنگ ءَ عراق ءَ رو اَنت ءُ اودا ہر قیمت ءَ گیش نندوک آناں بہ دار اَنت۔ محسن نقوی ءَ گوشت کہ عراق ءُ ایران ءِ حکومت آنی منت وار آں کہ آ پاکستانی زیارتی آنی ھیال داری ءَ کن اَنت۔ محسن نقوی ءَ گوشت کہ لاکھوں زائرین آنی نگہبانی یک مزنیں چیلنج اِنت ءُ دوئیں تہی کارانی وزیر اے ذمہ واری ءَ گوں وشیں رنگے ءَ پیلو کنگ ءَ اَنت۔ آئی ءَ گوشت کہ ایران ءِ مزن رہشون آیت اللہ خامنہ ای ءَ جنگ ءِ وھد ءَ مھکم اوشتاتگ ءُ دلیری ءَ گوں رھشونی کتگ، ءُ آیت اللہ خامنہ ای ءُ ایران ءِ اُلس ءَ را مزنیں سوبمندی ءِ مبارک بات دنت۔ وفاقی وزیر داخلہ ءَ گوشت کہ ایران ءِ نائب وزیر داخلہ علی اکبر پور جمشیدیان، ایران ءِ تہی کارانی وزیر نادر یار احمدی ءِ سینئر مشیر، پاکستان ءَ ایران ءِ سفیر امیری مغدام، ایران ءَ ھم پاکستان ءِ سفیر محمد مدسر ٹیپو، پاکستان ءِ داخلہ ءِ وزارت ءِ مزنیں سیکرٹری آغرام اول آف سہ نیمگی کانفرنس ءَ بہر زرتگ۔ ایران ءِ دارالحکومت تہران ءَ پاکستان، ایران ءُ عراق ءِ تہی کارانی وزیرانی سئے نیمگی کانفرنس ءَ آہاں ایران ءُ عراق ءَ روگ ءِ زائرین ءِ آسراتی ءِ ھاتر ءَ ھرچ وڑیں گامگیج ءِ سر ءَ تپاک کتگ۔ کانفرنس ءِ تہا اے پیسلہ کنگ بوتگ کہ زائرین ءِ آسراتی ءِ ھاتر ءَ پاکستان، ایران ءُ عراق ءِ یکجائی کارگس جوڑ کنگ بیت۔