مزن وزیر شہباز شریف ءِ گشگ انت کہ راجی زبان ءَ ٹیکس ریٹرن ءِ وش آتک انت، ہیلپ لائن جوڑ کنگ بہ بیت کہ آہانی پُر کنگ ءَ کمک بہ بیت، اردو زبان ءَ ڈیجیٹل انوائسنگ ہم بندات کنگ بہ بیت

اسلام آباد۔14جولائی (اے پی پی): مزن وزیر محمد شہباز شریف ءَ آسان ءُ راجی زبان اردو ءَ ٹیکس ریٹرن ءَ را وش اتک کتگ ءُ ہدایت کتگ کہ ایشی ءِ پُر کنگ ءِ عمل ءَ کمک ءِ ھاتر ءَ ہیلپ لائن جوڑ کنگ بہ بیت، اردو ءَ ڈیجیٹل انوائسنگ ہم بندات کنگ بہ بیت ءُ کامن مین ءِ کامنفارم ءِ سر ءَ دلگوشی دیگ بہ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دو شمبے ءِ روچ ءَ مزن وزیر محمد شہباز شریف ءِ سروکی ءَ ایف بی آر ءِ ڈیجیٹلائزیشن، آرٹیفیشل انٹیلی جنس ءِ سر ءَ بنیات ءِ نظام ءِ سر ءَ عمل درآمد ءُ اے دگہ اصلاحات ءِ ھوالگ ءَ ھپتگی چار ءُ تپاسی دیوان برجم دارگ بوت۔ مزن وزیر ءَ ہدایت کت کہ ایف بی آر ءِ توامیں اصلاحات ءِ شفافیت ءِ واستہ تھرڈ پارٹی ویلڈیشن ءَ را دل یکیمی کنگ بہ بیت۔ لس مھلوک ءِ آسراتی ءِ ھاتر ءَ ٹیکس ریٹرن ڈیجیٹل، جامع ءُ یک مرکزی ڈیٹا بیس ءَ گوں بندوک کنگ بوتگ ءُ آسان تریں جوڑ کنگ بوتگ۔ آئی ءَ گوشت کہ نوکیں آسان کتگیں ٹیکس ریٹرن ءَ چہ گیش ءَ چہ گیش تنخواہ داریں تبک ءَ را سیت رسیت۔ مزن وزیر ءَ ہدایت کت کہ ٹیکس ریٹرن دائر کنگ ءِ آسانی ءِ ھوالگ ءَ الس ءَ را سرپدی مہم ءِ بندات کنگ بہ بیت تانکہ نوکیں نظام ءِ چیر دستی ءَ گیشاں چہ گیش مردم وتی ریٹرن جم بہ کن اَنت۔ آئی ءَ گوشت کہ ٹیکس ءِ نظام ءِ اصلاحات ءِ جوانیں آسر وزیر ءِ ھزانگ، اقتصادی ٹیم، چیئرمین ایف بی آر ءُ آئی ءِ ٹیم ءِ بے مٹیں کار ءِ آسر انت۔ حکومت ءِ اولی ترجی آنی تہ ءَ ٹیکس بیس ءِ تہ ءَ گیشی ءُ گریب آنی سر ءَ ٹیکس ءِ بوجھ ءَ را گیش کم کنگ ھوار اِنت۔ مزن وزیر ءَ گوشت کہ ملکی راجدپتر ءَ اولی رند ءَ آرٹیفیشل انٹیلی جنس ءِ وسیلگ ءَ ٹیکس ءِ اندازہ ءِ نظام ءِ نفاذ مزنیں سوبمندی یے، ایف بی آر ءِ نیمگ ءَ چست کتگیں گامگیج ستا کرز اَنت۔ آئی ءَ ہدایت کتگ کہ کسان ءُ درنیامی کاروباری ادارگ آناں ڈیجیٹل انوائسنگ سسٹم ءَ ہوار بوہگ ءِ واستہ ھاسیں آسراتی پجاری کنگ بہ بیت۔ گند ءُ نند ءَ وفاقی وزیر احد خان چیما، عطا اللہ ترار، علی پرویز ملک، وزیر ءِ مملکت بلال اظہر کیانی، چیف کوآرڈینیٹر مشرف زیدی، چیئرمین ایف بی آر ءُ ہمگرنچیں مزن اگدہ داراں بہر زرتگ۔ گند ءُ نند ءَ ڈیجیٹل انوائسنگ، ای بلنگ، ٹیکس ریٹرن ءِ آسان کنگ، مصنوعی ذہانت ءِ بنیاد ءَ جائزہ ءِ نظام، مرکزی کمانڈ اینڈ کنٹرول سینٹر ءُ کارگو ٹریکنگ سسٹم ءِ جوڑ کنگ ءِ بابت ءَ پیشرفت، ایف بی آر ءِ کمانڈ اینڈ کنٹرول یونٹ ءِ جوڑ کنگ ءِ بابت ءَ پیشرفت ءِ بابت ءَ گپ ءُ تران کنگ بوتگ۔ دیوان ءَ اے بابت ءَ سرپد کنگ بوت۔ آئی ءَ را ھال دیگ بوت کہ ایشی ءِ واستہ بولی زوت سرجم کنگ بیت ءُ ستمبر ءَ تاں سرجمی ءَ آپریشنل بیت، ایشی ءَ چہ نہ ایوک ءَ مرکزی ڈیٹا رس ایت بلکینگ ءَ پیسلہ کنگ ءَ را ھم آسراتی رسیت۔ گند ءُ نند ءَ آرٹیفیشل انٹیلی جنس ءِ سر ءَ بنیات ءِ جائزہ ءِ نظام ءِ ھوالگ ءَ ھم سرپد کنگ بوت۔ ھال دیگ بوت کہ تاجر آناں جہاز آنی آیگ ءَ پیسر ایڈوانس گڈز ڈیکلریشن ءِ پُر کنگ ءِ آسراتی داتگ، ایشی ءِ چیر دستی ءَ اپ فرنٹ ڈیوٹی ءُ ٹیکس آنی سر ءَ سرجمیں رعایت دیگ بیت۔ اے نظام ءِ نفاذ ءَ گوں پیشگی سامان ءِ اعلان ءِ 3درسد ءَ چہ 95درسد ءَ چہ گیش بوھگ ءِ گمان اِنت۔ اے رنگ ءَ پیشگی سامان ءِ اعلان ءِ گوں کنٹینراں جہاز ءَ چہ براہ راست کارخانہ ءَ سر بوھگ ءِ آسراتی ءِ گوما داتگ بیت۔ دیوان ءَ گوشگ بوت کہ ڈیجیٹل انوائسنگ ءِ وسیلگ ءَ دراھیں کسان ءُ مزنیں کاروباری ادارگ بھا ءُ بہا کنگ ءِ وھد ءَ ایف بی آر آن لائن سسٹم ءِ وسیلگ ءَ رسید جاری کنگ ءَ دل یکیمی کن اَنت۔ اے نظام ءِ چیر دستی ءَ آیوکیں لھتیں ماھ آنی تہ ءَ 20 ہزار ءِ کساس ءَ کاروبار اے نظام ءَ گوں ھمگرنچ کنگ بنت۔ اے نظام ءِ رد ءَ ایوک ءَ یک ماہ ءِ تہ ءَ 11.6ارب کلدار ءِ ھشت ھزار انوائس جاری کنگ بوتگ۔ اے نظام ءِ تہا ٹیکس دہندہ ءِ پورٹل ءُ ایشی ءِ نگرانی ءِ ھاتر ءَ ڈیش بورڈ ھوار انت۔ دیوان ءَ را ھال دیگ بوت کہ پی آر اے ایل ءِ چیر دستی ءَ سسٹم ءَ گوں ھمگرنچ بوھگ ءِ آسراتی مفت ءَ دیگ بوھگ ءَ اِنت، اے سسٹم ءِ ھوالگ ءَ تاجر آنی تربیت ءَ را دل یکیمی کنگ بوھگ ءَ اِنت، اے سسٹم ءِ سرجمیں نفاذ ءَ پد تاجر آناں سیلز ٹیکس ریٹرن جمع کنگ ءِ دگہ ضلورت نہ بیت پرچا کہ ھرچ گِر ءُ بہا کنگ ءِ ھاتر ءَ وت ماں وت سسٹم ءِ تہ ءَ ریکارڈ کنگ بیت۔ رائجیں نظام جعلی ءُ پرواز کنوکیں انوائسنگ ءَ را ھلاس کنت ءُ ڈیجیٹل انوائسنگ ءِ وسیلگ ءَ سیلز ٹیکس سسٹم ءِ کارکردگی ءِ چیک کنگ آسان بیت۔ دیوان ءَ گوشگ بوت کہ نظام ءَ را کارآمد جوڑ کنگ ءِ واستہ کاروباری مردم آنی واستہ تربیتی سیشن ھم برجم دارگ بوتگ انت۔ مزن وزیر ءَ ہدایت کت کہ زوت اردو زبان ءَ ہم ڈیجیٹل انوائسنگ ءِ آسراتی بندات کنگ بہ بیت۔ ٹیکس ریٹرن ءَ را ڈیجیٹل ءُ آسان جوڑ کنگ ءِ ھوالگ ءَ دیوان ءَ را بریفنگ دیگ ءِ وھد ءَ ھال دیگ بوت کہ اے 15جولائی ءَ چہ تنخواہ داریں کلاس ءِ واستہ بندات کنگ بوھگ ءَ اِنت وھدیکہ اے آسراتی 30جولائی ءَ دگہ شعبہ آنی ٹیکس دہندگانی واستہ ھم دست کپ ایت۔ نوکیں ءُ آسان کتگیں ٹیکس ریٹرن ءِ پُر کنگ۔ مزن وزیر ءَ اے درگت ءَ ہیلپ لائن ءُ تھرڈ پارٹی پبلک سروے ءِ جوڑ کنگ ءِ ہدایت کتگ۔ گند ءُ نند ءَ کارگو ٹریکنگ سسٹم ءُ ای بلنگ سسٹم ءِ ھوالگ ءَ پیشرفت ءِ بابت ءَ ھم سرپد کنگ بوت۔ اے گپ ءِ سرپدی دیگ بوت کہ اے نظام ءِ چیر دستی ءَ سامان آنی رھادگ بوھگ ءِ ریئل ٹائم مانیٹرنگ ءُ اے سامان آنی سر ءَ ٹیکس ءِ ادائیگی ءِ نگرانی ھمگام کنگ بیت، ھمے رنگ ءَ مصنوعی ذہانت ءِ گوما جائزہ ھم ممکن بیت، ایشی ءَ چہ ٹیکس ءِ نفاذ گیش موثر ءُ شرتر بیت۔ گند ءُ نند ءَ گوشگ بوت کہ اے درگت ءَ پاکستان ءَ نظام ءِ سرا عمل کنگ ءُ میاں اوستمانی معیار ءَ را دل یکیمی کنگ ءِ واستہ اے درگت ءَ ترکی ءَ چہ کمک لوٹگ بوھگ ءَ انت۔ مزن وزیر ءِ انوگیں آذربائیجان ءِ تر ءُ تاب ءَ پد ترک ڈل پاکستان ءَ سر بوتگ ءُ پاکستان ءَ اے نظام ءِ زوت جوڑ کنگ ءُ ایشی ءِ سر ءَ عمل کنگ ءِ ھاترا گوں ڈل ءَ شور ءُ سلاہ کنگ بوھگ ءَ اِنت۔