مزن وزیر شہباز شریف ءِ گشگ انت کہ پاکستان اسٹاک ایکسچینج ءِ راجدپتری تک ءَ چہ گوزگ کاروباری براتی ءِ ملک ءِ معیشت ءِ سرا دل یکیمی ءِ درشان انت

اسلام آباد۔14جولائی (اے پی پی): مزن وزیر محمد شہباز شریف ءَ گوشت کہ پاکستان اسٹاک ایکسچینج ءِ راجدپتری تک ءَ چہ گوزگ کاروباری براتی ءِ ملک ءِ معیشت ءِ سر ءَ دل یکیمی ءِ درشان اِنت۔ دو شمبے ءِ روچ ءَ مزن وزیر آفس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ پاکستان اسٹاک ایکسچینج ءِ 135 ہزار پوائنٹ ءِ مستریں تک ءَ چہ گوزگ ءِ سر ءَ وشی ءِ درشانی کت ءُ گوشت کہ اسٹاک ایکسچینج ءِ راجدپتری تک ءَ چہ گوزگ پاکستان ءِ معیشت ءِ سر ءَ کاروباری براتی ءِ بھروسہ ءِ درشان اِنت۔ انوگیں مثبت اقتصادی شاھد حکومتی پالیشی ءِ راستیں راہ ءَ بوھگ ءِ عکس انت۔ ملک ءِ تہا کاروبار دوستیں ماحول ءِ گوما کاروباری برادری ءِ پھجارینگ مئے اولی ترجی انت۔ مزن وزیر ءَ گوشت کہ ملک ءَ اقتصادی برجائی ءَ چہ پد اقتصادی دیمروئی ءِ کشک ءَ را پاد ایر کتگ، حکومت ملک ءِ دیمروئی ءُ السی گہبودی ءِ واستہ بے مٹیں رنگ ءَ کار کنگ ءَ اِنت۔