شاپنگ بیگ چاگرد، جان سلامتی ءُ زندمان ءِ واستہ مہلکیں زہر انت، سرکار ایشانی کارمرز کنگ ءِ سرا سرجمیں بندش بہ جنت، رانا عمران لطیف

اسلام آباد۔14جولائی (اے پی پی):پیاس انٹرنیشنل ءِ چیئرمین رانا عمران لطیف ءَ پلاسٹک شاپنگ بیگ ءِ سرجمیں بندش ءِ سندھ حکومت ءِ نوکیں پیسلہ ءَ را وش اتک کنان ءَ اے گپ ءِ سر ءَ زور پر داتگ کہ راجی تک ءَ پلاسٹک شاپنگ بیگ ءِ کارمردی ءِ سر ءَ سرجمیں بندش جنگ بہ بیت ءُ ایشی ءِ جوانیں رنگ ءَ عمل کنگ بہ بیت۔ آدینگ ءِ روچ ءَ وتی بیان ءِ تہ ءَ رانا عمران لطیف ءَ گوشت کہ شاپنگ بیگ یک بے تواریں کشندہ یے کہ مُدام مئے آیوکیں باھوٹ آنی جان سلامتی ءُ مئے چاگرد ءَ را تباہ کنگ ءَ انت۔ نوں وھد اتکگ کہ حکومت ایشانی ھلاپ ءَ راجی تک ءَ سختیں کانود جوڑ بہ کنت ءُ ایشی ءِ موثریں نفاذ ءَ بہ کنت۔ آئی ءَ گوشت کہ پاکستان ءَ شاپنگ بیگ انسانی جان سلامتی، مٹی ءِ وشھالی، آپ ءِ کوالٹی ءُ ھوا ءِ چاگرد ءِ واستہ مہلکیں زھر جوڑ بوتگ انت۔ چاگرد زانت ءُ انسانی ھکانی گل مدام ھال دیگ ءَ اَنت کہ اے کیسگانی تہ ءَ ھواریں ھترناکیں کیمیکل نہ ایوک ءَ کینسر، سنٹ، ساہ ءِ نادراھی ءُ ھارمون ءِ ھراب کنگ ءِ سوب بنت بلکیں مئے ھوا، زمین ءُ آپ ءَ ھم دائمی تاوان دیگ ءَ اَنت۔ پی اے اے ایس انٹرنیشنل ءَ اے گپ ءِ سر ءَ زور پر دات کہ اے جاور ھال ءَ را زوت ءُ سختیں گامگیج لوٹ ایت۔