کراچی/اسلام آباد۔17اپریل (اے پی پی): چیئرمین مزن وزیر ورنا پروگرام رانا مشہود احمد خان ءَ سر وزیر سندھ سید مراد علی شاہ ءَ گوں گند ءُ نند کتگ ءُ پیسلہ کتگ کہ ہمگرنچی ءِ وسیلگ ءَ صوبہ ءِ ورنا روزگار، تر ءُ تاب ءُ وانگ ءُ زانگ ءِ واستہ جتاجتائیں ملکاں روان دیگ بنت۔ پنچ شمبے ءِ روچ ءَ مزن وزیر ورنا پروگرام ءِ نیمگ ءَ جاڑی بوتگیں بیان ءِ رد ءَ سندھ ءِ سر وزیر سید مراد علی شاہ ءَ گوشت کہ ورنا آناں دیم ءَ آرگ وھد ءِ لوٹ اِنت۔ مزن وزیر ورنا پروگرام ءِ چیر دستی ءَ سندھ ءِ ورنا آں درملک ءَ تر ءُ تاب کنگ ءِ گہتریں روزگار ءُ موہ ہم دیگ بہ بنت۔ چیئرمین مزن وزیر ءِ ورنا پروگرام رانا مشہود احمد خان ءَ گوشت کہ پاکستان سرجمیں دگنیا ءَ باصلاحیتیں ورنا دیم دیگ لوٹ ایت۔ گند ءُ نند ءِ تہ ءَ چیئرمین مزن وزیر ورنا پروگرام ءُ سندھ حکومت ءِ اسپورٹس ءُ ورنا کارانی محکمہ ءِ نیام ءَ ھمگرنچی ءَ را گیش کنگ ءِ سر ءَ تپاک کنگ بوت۔
