نائب مزن وزیر ءُ دری کارانی وزیر سینیٹر اسحاق ڈار ءَ گوں لارڈ عامر سرفراز ءَ  گند ءُ نند کت، آئی ءَ را برطانیہ ءَ نندوکیں پاکستانی کمیونٹی ءَ گوں سیادی داروکیں جیڈھ آنی بابت ءَ سرپدی

اسلام آباد۔12جولائی  (اے پی پی): لارڈ عامر سرفراز ءَ نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں گند ءُ نند کت۔ یک شمبے ءِ روچ ءَ وزارت ءِ درئی کار آنی نیمگ ءَ چہ جاڑی بوتگیں بیان ءِ رد ءَ لارڈ عامر سرفراز ءَ خطہ ءَ امن ءُ ایمنی ءِ دیمروئی ءِ واستہ نائب مزن وزیر ءِ برجاھیں ءُ فعالیں کرد ءِ ساڑات۔ آئی ءَ نائب مزن وزیر ءَ را برطانیہ ءَ نندوکیں پاکستانی کمیونٹی ءِ ھوالگ ءَ جیڈھ آنی بابت ءَ ھم سرپدی دات، ایشی ءِ تہ ءَ درملک ءِ دیم ءَ اتکگیں ھاسیں جیڈھ ءُ پاکستان ءُ برطانیہ ءِ دوئیں ملک آنی واستہ آھانی ارزشتی ایں ازمت ءُ کرد ءِ ذکر کنگ بوت۔ دوئیں رہشوناں برطانیہ ءِ بدل بوؤکیں سیاسی جاورحال ءِ سرا ہم گپ ءُ تران کتگ۔ نائب مزن وزیر ءَ پاکستان ءُ برطانیہ ءِ نیام ءَ دو نیمگی سیادی ءَ را گیش مھکم کنگ ءِ ارزشت ءِ سر ءَ زور پر دات۔ آئی ءَ گوشت کہ برطانیہ ءَ نندوکیں پاکستانی مہاجر ھاسیں رنگ ءَ لارڈ امیر سرفراز ءِ وڑیں پارلیمنٹ ءِ نامداریں باسک دوئیں ملک آنی نیام ءَ یک مھکمیں پُل ءِ جوڑ کن اَنت۔ نائب مزن وزیر ءُ دری کارانی وزیر ءَ دل یکیمی ءِ درشانی کت کہ پاکستان ءُ برطانیہ ءِ نیام ءَ مردم آنی نیام ءَ رابطہ، بیپار ءُ سرمایہ کاری ءِ دیمروئی ءِ تہ ءَ درملکیں پاکستانی جوڑیشت ءِ کرد ءَ را برجاہ دار اَنت۔