اسلام آباد۔17اپریل (اے پی پی): منصوبگ بندی ءُ دیمروئی ءِ بنجاھی وزیر احسن اقبال ءَ گشتگ کہ راج ءِ آیوکیں باندات قدرتی وسیلگ ءِ سرا نہ انت بلکیں زانت ءِ پیداک کنگ ءِ توانائی ءَ چہ زانگ بیت۔ پاکستان ءِ سائنسدان ءُ انجینئر مئے دیمروئی ءِ سفر ءِ تہا مرکزی کرد پیلو کن انت۔ پاکستان ءِ برآمدات ءَ را ٹیکسٹائل ءَ چہ ٹیکنالوجی ءِ نیمگ ءَ شنگ کنگ ءِ ضلورت اِنت۔ زراعت ءِ ٹیکنالوجی، جان سلامتی ءِ ٹیکنالوجی، تعلیم ءِ ٹیکنالوجی ءِ وڑیں نوکیں شعبہ دیمروئی ءِ کلید انت۔ پاکستان ءَ وتی گار بوتگیں فکری میراث ءَ پدا پچ گرگ لوٹیت۔ اے ھیالانی درشانی آئی ءَ پنچ شمبے ءِ روچ ءَ پاکستان اکیڈمی آف سائنس ءَ برجم داشتگیں سائنس، ٹیکنالوجی ءُ انجینئرنگ ءِ دیمروئی ءِ سرھال ءِ سر ءَ پالیسی گپ ءُ تران ءَ گوں تران کنان ءَ کت۔ بنجاھی وزیر ءَ گوشت کہ پاکستان یک گرانیں موہ ءِ سر ءَ اوشتاتگ۔ مئے راج ءِ آیوکیں باندات چہ آئی ءِ طبیعی وسائل ءَ نہ بیت بلکیں آئی ءِ علم ءِ پیداک کنگ ءِ توانائی ءَ چہ زانگ بیت۔ احسن اقبال ءَ گوشت کہ مارا وتی سائنس، ٹیکنالوجی ءُ انجینئرنگ ءِ بنیاتی ڈھانچہ ءَ را راجی دیمروئی ءِ مول ءُ مراد آنی گوما یکجا کنگ لوٹ ایت۔ ما ادا ملک ءَ را ٹیکنو اکانومی ءِ تہا بدل کنگ ءِ ھاترا اتکگیں ۔ اسلام ءِ رد ءَ علم ءِ دربرگ مئے فرض اِنت۔ قرآن مارا کائنات ءِ پٹ ءُ پول کنگ ءِ ھاترا شور دنت۔ آئی ءَ گوشت کہ مسلم اسپین (الاندلس) ءَ 70 سرکاری کتابجاہ بوتگ انت کہ اودا یورپ ءَ را عربی زبان ءَ چہ دگنیا ءِ زانت ءَ گوں آشنا کنگ بوتگ۔ مسلمانیں دنیا 25 درسد جھان ءِ آبادی ءِ نمائندگی کنت بلے مسلمانیں ملک 2 درسد ءَ چہ کمیں سائنسی دیمروئی ءِ زمہ واری ءَ دار اَنت۔ آئی ءَ گوشت کہ پاکستان ءَ وتی گواچن بوتگیں فکری ورثہ ءَ پدا پچ گرگ لوٹ ایت۔ مرچیگیں ریس ءَ راج تیل ءُ گیس ءِ سرا نہ بلکیں مہارت ءُ ٹیکنالوجی ءِ سرا مقابلہ کنگ ءَ انت۔ جنوبی کوریا، سنگاپور ءُ اسرائیل سائنس، ٹیکنالوجی ءُ جدت ءِ تہا سرمایہ کاری ءِ وسیلہ ءَ معاشی سپر پاور جوڑ بوت انت۔ آئی ءَ گوشت کہ پاکستان ءِ سائنسدان ءُ انجینئر مئے دیمروئی ءِ سفر ءَ مرکزی کرد ءَ پیلو کن اَنت۔ ڈینش یونیورسٹی ءِ جوڑ کنگ پاکستان ءِ ٹیکنالوجی ءِ دیمروئی ءِ لوٹ ءُ گزر ءِ تہا گیم چینجر ثابت بیت۔ احسن اقبال ءَ گوشت کہ برآمدات ءِ سر ءَ مبنی معیشت اودان پاکستان منصوبگ ءِ نبض اِنت۔ پاکستان ءِ برآمدات ٹیکسٹائل ءَ چہ ٹیکنالوجی ءِ نیمگ ءَ کنگ ءِ ضلورت انت۔ زراعت ءِ ٹیکنالوجی، جان سلامتی ءِ ٹیکنالوجی، تعلیم ءِ ٹیکنالوجی ءِ وڑیں نوکیں شعبہ دیمروئی ءِ کلید انت۔ گوستگیں روچ ءَ 300 زرعی سائنسدان آنی یک گلے چین ءَ تربیت ءِ واستہ پاکستان ءَ چہ شتگ۔ اے مردم گرین ریوولیوشن 3.0 ءِ اثراتاں گوں دیم پہ دیم بوھگ ءَ گیم چینجر ثابت بنت۔ زرعی زانتکارانی اے گل ءِ 50 درسد جنین آدم بوتگ انت۔ زالبول آنی واستہ ٹیکنالوجی ءِ رسائی ءَ را دل یکیمی کنگ مئے اولی ترجی اِنت۔
