اسلام آباد۔17اپریل (اے پی پی): سائنس ءُ ٹیکنالوجی ءِ بنجاھی وزیر خالد حسین مگسی ءِ سروکی ءَ پاکستان حلال اتھارٹی ءِ بورڈ آف گورنرز ءِ ششمی دیوان برجم دارگ بوت۔ پنچ شمبے ءِ روچ ءَ وزارت سائنس ءُ ٹیکنالوجی ءِ نیمگ ءَ جاڑی بوتگیں بیان ءِ رد ءَ پاکستان ءِ حلال صنعت ءُ میاں اوستمانی تجارتی سیادی ءَ را گیش مھکم کنگ ءِ واستہ دیوان ءِ تہ ءَ بازیں ھاسیں پیسلہ کنگ بوت۔ بورڈ ءَ سرکاری رنگ ءَ حلال سرٹیفیکیشن مارک اسکیم ءِ بندات کت کہ ایشی ءِ رد ءَ مزن وزیر ءِ کاروبار ءِ تہ ءَ آسانی ءُ برآمدات ءَ را دیمروئی دیگ ءِ وژن ءِ رد ءَ اِنت۔ اے اسکیم حلالیں چیز آنی واستہ راجی علامت ءِ بستار ءَ کار کنت، ایشی ءَ چہ پی ایچ اے ءَ را یک وت واجہیں ادارگ جوڑ کنگ ءُ ایشی ءِ کاروائی آنی تہ ءَ چہ آمدنی پیداک کنگ ءَ کمک رسیت۔ یک دگہ ھاسیں پیسلہ ءِ تہ ءَ بورڈ ءَ حلال مارک لائسنس / سرٹیفیکیشن فیس ءِ تہ ءَ ترمیم کتگ ءُ برآمد بوتگیں حلال وردن ءُ غیر وردن ءِ چیز آنی فیس ءَ را صفر ءَ چہ کم کتگ ءُ دمگی وردن ءِ چیز آنی فیس ءَ را 50درسد کم کتگ۔ اے گامگیج ءَ چہ حلال برآمدات ءَ را دیمروئی دیگ بیت ءُ گلوبل انڈسٹری ءِ جوانیں رھبندانی رد ءَ بیت۔ بورڈ ءَ بیلاروس، ملائیشیا، ترکی، انڈونیشیا، ءُ متحدہ عرب امارات ءِ گوما حلال تجارت ءِ ھاتر ءَ مفاہمت نامہ ءِ ھم منظوری داتگ۔ اے معاہدہ آں چہ حلال سرٹیفیکیشن ءِ عمل آسان بیت ءُ پاکستانی حلال مصنوعات ءِ واستہ نوکیں مارکیٹ ہم پچ بیت۔ ایشی ءَ ابید بورڈ ءَ کشتارگاہ ءُ فوڈ سروس پروائیڈرز ءِ رجسٹریشن ءِ منظوری داتگ تانکہ اے گپ ءَ را دل یکیمی کنگ بہ بیت کہ آ حلال ءِ اصول ءُ جھان ءِ رہبندانی رد ءَ بہ بنت۔
