اسلام آباد۔16اپریل (اے پی پی): مزن وزیر محمد شہباز شریف ءَ جناح میڈیکل کمپلیکس ءِ جوڑیشت ءِ توامیں پڑ آنی تہ ءَ سد درسد شفافیت ءِ پک کنگ ءِ پنت ءُ شون کتگ ءُ گوشت کہ اے منصوبگ ءِ جوڑیشت ءِ توامیں پڑ آنی سر ءَ وتی ذاتی نگرانی ءَ کنت۔ ڈیزائن، نگرانی ءُ تعمیر ءِ ھاتر ءَ مشیر ءُ ٹھیکیدار آنی ھزمت یک میاں اوستمانی ٹینڈر ءِ وسیلگ ءَ زورگ بہ بنت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ جناح میڈیکل کمپلیکس ءِ جوڑیشت ءِ ھوالگ ءَ مزن وزیر محمد شہباز شریف ءِ سروکی ءَ اسلام آباد ءَ چار ءُ تپاسی دیوان برجم دارگ بوت۔ اے موہ ءِ سر ءَ مزن وزیر ءَ گوشت کہ جناح میڈیکل کمپلیکس سرجمیں دمگ ءِ واستہ جوانیں میڈیکل آسراتی ءُ نوکتریں میڈیکل پٹ ءُ پولی سامان آں گوں لیسیں ہسپتال ءِ بیت۔ مزن وزیر ءَ منصوبگ ءِ جوڑیشت ءِ توامیں تک ءِ تہ ءَ سد درسد شفافیت ءِ دل یکیمی کنگ ءِ پنت ءُ شون کتگ۔ مزن وزیر ءَ میاں اوستمانی ٹینڈر ءِ وسیلگ ءَ ڈیزائن، نگرانی ءُ جوڑیشت ءِ واستہ کنسلٹنٹ ءُ ٹھیکیدار آنی ازمت ءِ گرگ ءِ پنت ءُ شون کت ءُ گوشت کہ جناح میڈیکل کمپلیکس ءِ جوڑیشت ءِ توامیں تک آنی سر ءَ ذاتی رنگ ءَ نگرانی کناں۔ گند ءُ نند ءَ مزن وزیر ءَ را جناح میڈیکل کمپلیکس ءُ ریسرچ سنٹر ءِ جوڑیشت ءِ دیمروئی ءِ بابت ءَ سرپد کت۔ بریفنگ ءِ تہ ءَ گوشگ بوت کہ جناح میڈیکل کمپلیکس ءِ جوڑیشت ءِ ھوالگ ءَ اسٹیک ہولڈر آنی گوما شور ءُ سَلاہ ءَ پی سی ون ءَ را زوت گڈی رنگ ءَ دیگ بیت۔ بریفنگ ءَ گوشگ بوت کہ جناح میڈیکل کمپلیکس ءِ جوڑیشت ءِ واستہ جوڑ بوتگیں ٹرسٹ فنڈ ءَ بنداتی سرمایہ 3 ارب کلدار ءِ دیم دیگ بوتگ۔ اے میان استمانی نادراھجاہ کہ 600 کانال ءِ دمگ ءَ ھوار اِنت، 100 سالی منصوبہ ءِ بنیاد ءَ جوڑ کنگ بیت۔ اے نادراھجاہ ءِ تہ ءَ 9 سنٹر آف ایکسیلنس بیت کہ آھانی تہ ءَ 1000 ءَ چہ گیش بستر ھوار بنت۔ گند ءُ نند ءَ بنجاھی وزیر ءِ منصوبہ بندی ڈاکٹر احسن اقبال، بنجاھی وزیر کانود ءُ انصاف اعظم نذیر تارڑ، بنجاھی وزیر اقتصادی کار احد خان چیمہ بنجاھی وزیر صحت سید مصطفی کمال، مزن وزیر کے مشیر سید توقیر شاہ، اسلام آباد ءَ چہ باسک راجی اسمبلی انجم عقیل، پروفیسر ڈاکٹر سعید اختر ءُ سیادی داروکیں ٹوھیں اپسرگ شریک بوتگ اَنت۔
