بنجائی وزیر ڈاکٹر طارق فضل چوہدری وزارت پارلیمانی امور نا قلمدان ءِ سنبھالا

اسلام آباد۔ 10مارچ (اے پی پی) بنجائی وزیر ڈاکٹر طارق فضل چوہدری وزارت پارلیمانی امورنا قلمدان ءِ سنبھالا۔ دوشنبے نادے آ وزارت پارلیمانی امور آ سرمننگ آ وزارت نا کمامدارآک اودے بخیرکریر۔ داوخت آ اودے وزارت پارلیمانی امورنا زمواری و دنگ آ حوال تننگا۔ ڈاکٹر طارق فضل چوہدری داوخت آپارے کہ او ملک اٹی جمہوری ادارہ غاتے سوگو کننگ و پارلیمانی امور نا کارکڑد ءِ گچین کننگ کن تینا کڑد ءِ ادا کیک۔ اوپارے کہ پارلیمنٹ نا فورم آ غٹ فریق آتا نیام اٹ بامعنی گپ وتران ءِ پک کننگ کن ہم او تینا کڑد ءِ ادا کیک۔ ڈاکٹر طارق فضل چوہدری پارلیمانی نظام ءِ سوگو کننگ کن حکومت و مقننہ نانیام اٹ ہم گرنچی و ملک اٹی جمہوری قدر ءِ مون آ دننگ نا عزم انا ہم درشانی ءِ کرے۔