اسلام آباد۔ 21 فروری (اے پی پی) وزارت مذہبی امور پارینے کہ سرکاری اسکیم نا ہرادرخواست گزارآک اینو جمعہ اسکان تینا واجبات آتے بینک آتےٹی جمع کرفتنو تو اوفتا درخواست آتے منسوخ تکنگک۔ جمعہ نادے آ وزارت مذہبی امور نا ترجمان تینا اسہ بیان اسے ٹی سرکاری اسکیم نا حج درخواست گزار آتے پارت کرینے کہ او تینا حج واجبات آتا مسٹ میکو قسط ءِ اینو ہرحال اٹ بینک آتے ٹی جمع کرفر، و بینک آتیان عکس والا کمپیوٹرائزڈ رسید ضرور ہلیر۔ اگہ اوفک داسہ ہم مسٹ میکو قسط ءِ ادا کتور تو اوفتا درخواست آتے منسوخ تکنگک۔ وزارت مذہبی امور نا ترجمان اے پی پی ءِ پارے کہ مچ آ ملک اٹی حج تربیت نا عمل جوانی اٹ برجاءِ۔ تربیت نا اولیکو ریسہ 27 فروری آ ایسر مریک۔ روچہ مبارک آن پد حج تربیت نا ارٹ میکو ریسہ نا بنامریک ہرا آخیریکو حج جہاز اسکان برجاسلک۔ حج تربیت نا ارٹ میکو ریسہ ٹی مناسک حج انا ادائیگی و انتظامی امور نا بابت حاجی تے آگاہی فراوان کننگک۔
