اسلام آباد۔ 21 فروری (اے پی پی) اینٹی نارکوٹکس فورس تعلیمی ادارہ و مچ آملک منشیات اسمگلنگ نا برخلا ف برجاکریک ڈاؤن اٹی 5 کارروائی تیٹی 5 کروڑ 66 لکھ آن زیات مالیت نا 248.429کلوگرام منشیات دوئی کرسا 8 دوبہ دار آتے دزگیرکرے۔ ترجمان اے این ایف نا رداٹ تعلیمی ادارہ غاتیٹی کارروائی تیٹی سیالکوٹ اٹی سمبڑیال نا خڑک 3 دوبہ دارآتیان 3.6 کلوچرس دوئی کننگا، دزگیر دوبہ دار نا تعلیمی ادارہ غاتا طالب علم آتے منشیات بہاکننگ نا اعتراف کرینے۔ ایلو کارروائی تیٹی راولپنڈی ٹی کوریئر آفس اٹی تھائی لینڈ آن مون تروک آ پارسل آن 136 گرام ویڈ، بلوچستان اٹی مستونگ نا علاقہ کانک آن 220 کلو افیم دوئی کننگا۔ ہندا وڑ شیخوپورہ ٹی موٹرسائیکل سوار 3 دوبہ دار آتا کوزہ غان جم وڑاٹ 21.6کلو چرس و 2.4 کلو افیم وخت اس کہ لاہور اٹی موٹرسائیکل سوار 2 دوبہ دار آتیان 313 گرام افیم، 380 گرام چرس، 1 دانہ اس پشٹول بمعہ 2 میگزین و ڈرون دوئی کننگا۔دزگیردوبہ دارآتا برخلاف انسداد منشیات ایکٹ انارداٹ مقدمہ نوشتہ کرسا جاست وپاست نا بناءِ کننگانے۔
