اسلام آباد۔20فروری (اے پی پی): اسیاد گروپ ءِ ڈل ءَ پنچ شمبے ءِ روچ ءَ بنجاھی وزیر مالیات ءُ آمدنی سینیٹر اورنگزیب ءَ گوں گند ءُ نند کت ءُ ایشی ءِ تہ ءَ اسياد ہولڈنگز ءِ سی ای او غسان العمودی، وافی انرجی پاکستان لمیٹڈ ءِ چیئرمین زبیر شیخ، وافی انرجی پاکستان لمیٹڈ ءِ مینجنگ ڈائریکٹر ءُ سی ای او ءُ اسياد ہولڈنگز ءِ سی ایف او ءُ وافی انرجی پاکستان لمیٹڈ ءِ ڈائریکٹر جواد اختر ءَ بھر زورتی کت۔ وزیر ءِ ھزانگ ءَ پاکستان ءِ توان ءُ سرمایہ کاری ءِ شوبگ ءَ ڈل ءِ کوشست آناں ساڑات، ایشی ءِ تہ ءَ خاراکدم کپ ءُ اسیاد ہولڈنگز ءُ وفی انرجی پاکستان ھم ھوار اَنت۔ آئی ءَ درملکی سرمایہ کار آناں آسراتی دیگ ءُ گیش کاروبار دوستیں چاگرد ءِ جوڑ کنگ ءِ حکومت ءِ عزم ءِ نوک کت۔ سٹرڈ محمد اورنگزیب ءَ العلا کانفرنس 2025 ءِ واستہ سعودی عرب ءِ وتی گوستگیں تر ءُ تاب ءِ بابت ءَ ڈل ءَ را سرپد کت ءُ وژن 2030 ءِ وشیں پیشرفت ءُ دمگی اقتصادی بدلی ءِ سر ءَ ایشی ءِ اثر ءِ سر ءَ چمشانک دات۔ آئی ئَ سعودی عرب ئِ اقتصادی ءُ بنیاتی ڈھانچہ ءِ دیمروئی ئِ تہ ئَ پیشرفت ساڑات۔ ڈل ءَ وزیر ءِ ھزانگ ءَ را پاکستان ءَ وتی سرمایہ کاری منصوبگ آنی تہ ءَ گیشی ءِ بابت ءَ سرپد کت۔ آئی ءَ اے گپ ءِ سر ءَ زور پر دات کہ پاکستان پیسر ءَ چہ ایشانی مستریں سرمایہ کاری ءِ میزبانی ءَ کنگ ءَ اِنت۔ آئی ءَ پاکستان ءِ اقتصادی مھکم ءِ سر ءَ دل یکیمی ءِ درشان کت ءُ ڈاؤن اسٹریم پٹرولیم ءِ شوبگ ءُ توان ءِ بنیاتی ڈھانچگ ءِ تہ ءَ گیش کمک ءِ واستہ وتی ھیال ءِ درشان کت۔ ڈل ءَ ھزانگ ءِ وزیر ءَ گوں گند ءُ نند کتگ ءُ پاکستان ءِ معیشت ءِ بابت ءَ گپ ءُ تران کتگ۔ آئی ءَ حکومت ءِ برجاھیں اصلاحات ءُ یک مھکمیں اقتصادی چاگرد ءِ جوڑ کنگ ءِ عزم ءَ را ساڑات۔ وزیر خزانہ ءَ حکومت ءِ عزم ءِ نوک کت کہ آ درملکی سرمایہ کار آناں سرجمیں کمک ءِ پجارینگ ءُ سرمایہ کاری، جدت، ءُ پائیدار اقتصادی دیمروئی ءَ را دیم ءَ برگ ءِ ھاترا پالیشی آنی دیمروئی ءَ را دیم ءَ برگ ءَ انت۔
