اسلام آباد۔20فروری (اے پی پی): منصوبگ بندی ءُ دیمروئی ءِ بنجاھی وزیر احسن اقبال ءَ گوشت کہ بنجاھی حکومت جان سلامتی ءُ وانگ ءُ زانگ ءِ شوبگ ءَ گہتری آرگ ءِ واستہ صوبائی حکومت آنی گوما ھرچ وڑیں کمک ءِ واستہ مدام تیار اِنت مارا یکجائی ءَ کار کنگی اِنت تانکہ پاکستان ءَ را 2018 ءَ دیمروئی ءِ راہ ءَ ایر کنگ بہ بیت۔ نوزائیدہ زھگانی دیمروئی ءِ ھوالگ ءَ برجم داشتگیں مراگش ءَ گوں تران کنان ءَ آئی ءَ گوشت کہ یک زھگے ءِ دماغ ءِ دیمروئی ءِ 80 درسد اولی سئے سال آنی تہ ءَ سرجم بیت بلے کشت ءُ کشاری ملک بوھگ ءِ باوجود مرچی پاکستان ءِ 40 درسد زھگ نادراھی ءِ آماچ اَنت اگاں جسمانی دیمروئی ءِ آبادی سرجم نہ اِنت گُڑا پاکستان ءِ تہ ءَ ذھنی ءُ خلاقی آبادی ھم سرجم بوتگ۔ چہ 30 ءَ بگر داں 40 سال ءِ تہ ءَ نادراھی ءِ آماچ بوتگ ءُ دگہ دیمروئی کنوکیں ملکاں ھمے وھد ءَ اے جیڑھ گیش ءُ گیوار کتگ۔ آئی ءَ گوشت کہ نادراھی ءِ جیڈھ گوں گیش بوھوکیں آبادی ءَ بندوک اِنت ءُ زھگ ءِ وردن ءِ ضلورت مات ءِ جان سلامتی ءَ گوں ھمگرنچ اِنت آئی ءَ پاکستان ءِ دیمروئی منصوبگ آنی بابت ءَ ھم گپ جت ءُ گوشت کہ ما دیستگ کہ بازیں دیمروئی منصوبگ آناں بار بار متاثر بوھگ ءَ اِنت چوش کہ ویژن 2025 ءَ را 2013ءَ جوڑ کنگ بوتگ۔ 2017 ءَ پرائس واٹر ہاؤس کوپرس ءِ رپورٹ ءِ حوالہ ءَ آئی ءَ گوشت کہ اگاں ملک ھمے رفتار ءَ دیمروئی ءَ برجاہ بہ دار ایت گڈا پاکستان 2030 ءَ تاں دگنیا ءِ 20 مزنیں معیشت آنی تہ ءَ ھوار بوت کنت۔ آئی ءَ گوشت کہ ما ایٹم بمب جوڑ کتگ بلے وانگ ءُ زانگ ءُ جان سلامتی ءِ شوبگ ءَ پد منتگیں آئی ءَ اے گپ ءِ ذکر کت کہ 18می ترمیم ءَ پد جان سلامتی ءِ جیڈھ آنی سر ءَ بنجاھی حکومت ءِ سر ءَ براہ راست ذمہ واری نیست ءُ گوشت کہ صوبگ آناں وانگ ءُ زانگ ءُ جان سلامتی ءِ شوبگ ءَ گنجائش ءِ تہ ءَ گیشی ءِ واستہ گیش ءَ چہ گیش وسیلگ آناں کارمرد کنگ ءِ ضلورت اِنت۔ بنجاھی حکومت جان سلامتی ءُ وانگ ءُ زانگ ءِ شوبگ ءَ گہتری آرگ ءِ واستہ صوبائی حکومت آنی گوما ہر ممکن رنگ ءَ کمک کنگ ءِ واستہ مدام تیار اِنت احسن اقبال ءَ گوشت کہ راجی ءُ صوبائی ادارگ آنی نیام ءَ ھمگرنچی ءِ جوڑ کنگ مئے ذمہ واری اِنت۔ آئی ءَ اے گپ ءِ سر ءَ زور پر دات کہ مئے آیوکیں وھد ءِ بندوک شام ءِ ٹاک شوز آنی تہ ءَ یکے دومی ءَ را کم کنگ ءِ سر ءَ نہ اِنت بلکیں لس مھلوک ءِ دیم ءَ اوشتاتگیں جیڈھ آنی سر ءَ گپ ءُ تران کنگ ءِ سر ءَ اِنت۔ پاکستان ءَ راستیں دیمروئی ءِ کشک ءَ ایر کنگ ءِ واستہ مارا یکجائی ءَ کار کنگی انت ۔
