اسلام آباد۔20فروری (اے پی پی): بنجاھی وزیر خزانہ ءُ آمدنی ءِ سینیٹر محمد اورنگزیب ءَ پاکستان ءَ یو این ڈی پی ءِ نمائندہ ڈاکٹر سائمن رزک ءُ آئی ءِ ٹیم ءَ گوں پیلو دیوان کت۔ دیوان ءِ مول ءُ مراد منصوبگ آنی برجا ءِ رھبند آناں پزور کنگ ءُ پائیدار دیمروئی ءِ مول ءُ مراد آنی رد ءَ گامگیج آنی پورٹ فولیو ءِ جوڑ کنگ بوتگ۔ دوئیں نیمگ ءَ پاکستان ءِ اقتصادی ءُ دیمروئی منصوبگ بندی ءِ تہ ءَ ایس ڈی جی ءِ سر ءَ بنیات ءِ حکمت عملی آناں ھوار کنگ ءِ ضلورت ءِ سر ءَ زور پر دات۔ یو این ڈی پی ءَ بنجاھی ءُ صوبائی حکومت ءِ ھوار نجی شعبہ ءِ واستہ ورکشاپ برجم دارگ ءِ منصوبگ ءِ جار جتگ تانکہ زندگ داروکیں منصوبگ آنی سر ءَ سٹیک ہولڈر آنی نیام ءَ تپاکی جوڑ کنگ بہ بیت۔ اے کوشست آناں گیش دیم ءَ برگ ءِ واستہ وزیر خزانہ ءَ موسمیاتی بدلی ءِ وزارت ءُ منصوبگ بندی، دیمروئی ءُ ھاسیں گامگیج آنی وزارت ءِ گوما زوتاں چہ زوت یکجائی دیوان ءِ دعوت دیگ ءِ تجویز پیش کتگ تانکہ یکے دومی ءِ کمک ءِ موہ آناں پٹ ءُ پول کنگ بہ بیت ءُ SDGs ءِ سر ءَ دلگوشی دیوکیں منصوبگ آناں پجارینگ بہ بیت۔ وزیر ءِ ھزانگ ءَ یو این ڈی پی ءُ ایندگر دیمروئی شریک آنی کمک ءَ پاکستان ءَ پائیدار ءُ ھواریں اقتصادی دیمروئی ءِ دیمروئی ءِ واستہ حکومت ءِ عزم ءِ پدا پدر کت۔ اقتصادی امور ءِ شعبہ ءِ سیکرٹری، موسمیاتی بدلی ءِ سیکرٹری، پبلک پرائیویٹ پارٹنر شپ اتھارٹی ءِ نمائندہ ءُ مالیات ءِ شعبہ ءِ مزنیں افسراں دیوان ءَ بہر زرتگ۔
