رباط۔ 20 فروری (اے پی پی) بنجائی وزیرمواصلات عبدالعلیم خان یواین سیکرٹری جنرل نا نمائندہ جان ٹوڈٹ و یورپی کمیشن کن یواین نا ایگزیکٹیو سیکرٹری ٹٹیانا مولکین تون مراکش اٹی اوڑدہی کرینے ہرافتے ٹی پاکستان نا ذرائع مواصلات آ حوال تننگاو شاہرات آتے رکھ کننگ و روڈ سیفٹی نا جہانی آب انا نفاذ نا اہمیت آ گپ وتران کننگا۔ دوشنبے نادے آ داڑے جاری بیان نا رداٹ بنجائی وزیر عبدالعلیم خان تون یواین سیکرٹری جنرل نا نمائندہ جان ٹوڈٹ پاکستان و ایلو ملک آتیٹی روڈ انفراسٹرکچر آ گپ وتران کرے۔ بنجائی وزیر پارے کہ پاکستان اٹی ذرائع مواصلات ءِ جہانی آب انا رداٹ کننگ انگ ءِ۔ موٹرویز آ ایم ٹیگ و ای ٹکٹنگ نا گچین نفاذ کننگ ءِ۔ اوپارے کہ موبائل ایپ، ٹریول ایڈوائزری ، سڑک آتا حالیت و موسمیاتی حوالکاری کون آمعلومداری تا فراوانی ءِ پک کننگ انگ ءِ۔ شاری تا رکھ اکن قومی شاہرات آ ’’ایکسل لوڈ‘‘ نا پابندی ءِ پک کننگ اُن یواین سیکرٹری جنرل نا نمائندہ جان ٹوڈٹ شاہرات آتے رکھ کننگ و روڈ سیفٹی نا جہانی آب آ عملدرآمد نا گرج آ زور شاغسا دابابت پاکستان نا کوشست آتا ستاءِ کرے۔ اوپارے کہ اقوام متحدہ نا چارٹر نا رداٹ غٹ ملک آتے روڈ سیفٹی گام گیج آتے پک کروئی ءِ۔ اوپارے کہ پاکستان اٹی شاہراہ تیا شکست و مرک آتیٹی کمتی است جمی ءِ۔ بنجائی وزیر عبدالعلیم خان و جان ٹوڈٹ نا نیام اٹ ساڑی جہانی حالیت آتیا ہم گپ وتران مس۔
