ناروے ءِ پیسریگیں مزن وزیر ءِ سروکی ءَ یک ڈل ءَ وانگ ءُ زانگ ءُ تربیت ءِ بنجاھی وزیر تربت خالد مقبول صدیقی  ءَ گوں گند ءُ نند

اسلام آباد۔13جنوری  (اے پی پی): ناروے ءِ پیسریگیں مزن وزیر کیل میگنے بونڈیوک  ءِ سروکی ءَ مزنیں ڈل ءَ وانگ ءُ زانگ ءُ دود ءُ ربیدگ ءِ بنجاھی وزیر خالد مقبول صدیل ءَ گوں گند ءُ نند کت۔ بنجاھی سیکرٹری برائے وانگ ءُ زانگ محی الدین احمد وانی ءُ ناروے ءِ اوسلو پارلیمنٹ ءِ پیسریگیں باسک امیر جاوید شاخی ھم ھوار اتنت۔ ڈاکٹر خالد مقبول صدیقی ءَ ناروے ءِ پیسریگیں مزن وزیر کیل میگنے بونڈیوک ءَ را وش اتک کت۔ آئی ءَ گوشت کہ کیل میگنے بونڈیوک پاکستان ءِ دوست انت آئی ءَ پاکستان ءِ چیلنجز آں چہ گر ءُ چیل بوھگ ءَ کمک کتگ۔ ڈاکٹر خالد مقبول صدیقی ءَ گوشت کہ آئی ءِ ھوار بوھگ ءَ چہ زھگ آنی وانگ ءُ زانگ ءِ ھوالگ ءَ میاں اوستمانی کانفرنس ءِ ایجنڈا میاں اوستمانی جوڑ بوت۔ بنجاھی وزیر ءَ گوشت کہ پاکستان زھگ آنی وانگ ءُ زانگ ءُ وانگ ءَ چہ دریں زھگ آنی جیڈھ ءَ را گیواری کنگ ءَ اسلامی ملک آنی دیم ءَ انت۔ بنجاھی وزیر ءَ گوشت کہ موسمی مٹ ءُ بدل ءِ رد ءَ پاکستان ءَ را وانگ ءُ زانگ ءِ شوبگ ءَ بے کساس چیلنج آنی دیم ءَ انت۔ آئی ءَ گوشت کہ پاکستان ءَ مزنیں چیلنج آنی دیم ءَ انت بلے وانگ ءُ زانگ ءِ وزارت ءَ اے جیڈھ ءَ را سک ترندی ءَ گوں چست کتگ۔ آئی ءَ گْوشتگ: ما پہ اے جیڑھ ءِ گیش ءُ گیوار ءَ وتی سرجمیں وسیلگ جم کتگ اَنت۔ آئی ءَ گوشت کہ پاکستان ءِ سرکار ءَ ھم وانگ ءُ زانگ ءِ ایمرجنسی ءِ جار جتگ۔ آئی ءَ گوشت کہ وزارت وانگ ءُ زانگ ءِ نیمگ ءَ چہ دگہ وزارت آنی کمک ءَ اے وھد ءَ اسکول آنی رسائی، محدودیں بنیاتی ڈھانچہ، استاد آنی تربیت ءِ رہبند، ءُ زھگ آنی وردن ءِ وڑیں جیڈھ آناں گیش ءُ گیوار کنگ بوھگ ءَ اِنت۔ ڈاکٹر خالد مقبول صدیقی ءَ گوشت کہ مئے کوشست آنی سبب ءَ آبادی ءِ لحاظ ءَ چہ وانگجاہ ءَ دریں زھگ آنی کساس کم بوھگ ءَ انت البت کلی کساس گیش بوھگ ءَ انت۔ آئی ءَ گوشت کہ پاکستان انسٹی ٹیوٹ آف ایجوکیشن ءِ نام ءَ یک ھاسیں محکمہ ءِ جوڑ کنگ بوتگ کہ آ ھدف مندیں مداخلت آنی ڈیزائن ءُ عمل درآمد ءِ واستہ جوڑ کنگ بوتگ، ایشی ءِ تہ ءَ پاکستان ءِ وانگ ءُ زانگ ءِ شوبگ ءِ دیم ءَ اوشتاتگیں چیلنج آنی ھوالگ ءَ راستیں ڈیٹا یکجا کنگ بیت بنجاھی وزیر برائے وانگ ءُ زانگ ءَ گوشت کہ لڑک آنی وانگ ءُ زانگ ءِ ھوالگ ءَ میاں اوستمانی کانفرنس ءَ چہ بوت کنت۔ بچک ءِ وانگ ءُ زانگ ءِ رسگ ءِ دود ءُ ربیدگ ءِ بندشانی ھلاس کنگ ءِ ھاترا یک مزنیں سوبمندی یے بہ بیت۔ آئی ءَ گوشت کہ سرجمیں دگنیا ءِ دینی زانتکار آں زھگ آنی وانگ ءُ زانگ ءِ کار ءِ حمایت کتگ۔ آئی ءَ گوشت کہ پاکستان ءَ اسلامی ملک آنی تہ ءَ زھگ زھگ آنی وانگ ءُ زانگ ءِ بابت ءَ ردیں لیکہ آنی ھلاسی ءِ واستہ گامگیج چست کتگ۔