اے این ایف نا ملک انا چندی شار تیٹی منشیات اسملنگ نا برخلاف کریک ڈاؤن، 6 کارروائی تیٹی 11 دوبہ دار دزگیر

راولپنڈی۔ 13 جنوری (اے پی پی) اے این ایف ملک انا چندی شار تیٹی منشیات اسمگلنگ نا برخلاف برجاکریک ڈاؤن اٹی 6 کارروائی تیٹی 11 دوبہ دار آتے دزگیرکرے۔ اے این ایف ہیڈکوارٹرراولپنڈی آن جاری تدوک آ بیست ءُ چار گھنٹہ نا انسداد منشیات کارروائی تا سرجم حوال آتا رداٹ تازہ کارروائی تیٹی 48 لکھ روپئی آن زیات مالیت نا 43.3 کلو گرام منشیات دوئی کننگا۔ سیالکوٹ اٹی وزیر آباد روڈ سمبڑیال نا خڑک اِرا کارروائی تیٹی 6 دوبہ دار آتا کوزہ غان جم وڑاٹ 33.6 کلوگرام چرس دوئی کننگا۔ کچلاک کوئٹہ ٹی پیٹرول پمپ اسے نا خڑک دوبہ دار اسے آن 5 کلوگرام آئس دوئی کننگا۔ اسلام آباد جی نائن اٹی گاڈی اسے ٹی اودیم کروک 3.6 کلوگرام چرس دوئی کرسا اسہ دوبہ دار اسے دزگیرکننگا۔ مندرہ روڈ چکوال نا خڑک اِرا موٹرسائیکل سُوار آتا کوزہ غان 600 گرام چرس دوئی کننگا۔ آئی جے پی روڈ اسلام آباد نا خڑک دوبہ دار آن 500 گرام چرس دوئی کننگا۔ ترجمان پارے کہ دزگیر دوبہ دار آتا برخلاف انسداد منشیات ایکٹ نا رداٹ مقدمہ نوشتہ کرسا جاست وپاست نا بناءِ کننگانے۔