منیجنگ ڈائریکٹر اے پی پی محمد عاصم کھچی نا سینئر صحافی جاوید شہزاد نا کزیت آ ہڑزخواہی کن اونا اُراغا بس، ایماندار نا روح انا ثواب کن دعاپاتیا کرے

راولپنڈی۔ 13 جنوری (اے پی پی) قومی خبررساں ادارہ ایسوسی ایٹڈ پریس آف پاکستان (اے پی پی) نا منیجنگ ڈائریکٹر محمد عاصم کھچی سینئر صحافی جاوید شہزاد نا کزیت آ ہڑزخواہی کن اونا اُراغا ہنا و ایماندار نا روح انا ثواب کن دعاپاتیا کرے۔ ایم ڈی اے پی پی محمد عاصم کھچی ایماندار جاوید شہزاد نا ایلم سینئر صحافی خرم شہزاد و اونا مار و ایلو خاہوت تون ہڑزخواہی و ہمدردی نا درشانی ءِ کرے و ایماندار نا درجہ غاتا بڑزی کن دعا و روح انا ثواب کن دعاپاتیا کرے۔ ایم ڈی اے پی پی نا ایماندار نا صحافتی خذمت آتا اعتراف ءِ کرسا پارے کہ ایماندار اسہ خواری کش ءُ صحافی و ملنسار ءُ انسان اس ئس، اونا کزیت آن صحافت نا بشخ اٹی ودی مروک آ خلا اسُل پُرمننگ کپک۔ اوپارے کہ ایماندار نا صحافتی خذمت آتے مدام یات تخنگک۔ ایم ڈی اے پی پی پارے کہ خاہوت آتا ڈکھیائی ٹی بریبر نا شریک اُن۔ ایم ڈی اے پی پی ایماندار جاوید شہزاد نا درجہ غاتا بڑزی و خاہوت کن صبر وجمیل نا دعاکرے۔