کوئٹہ۔ 13 جنوری (اے پی پی) پاکستان مسلم لیگ (ن) بلوچستان نا پارلیمانی لیڈر و صوبائی وزیر مواصلات و تعمیرات میر سلیم احمد کھوسہ قطبی وزیرستان اٹی آپریشن تیٹی 9 دہشت گرد آتا خلنگ آ سیکورٹی فورس آتے خراج تحسین پیش کرساپارینے کہ دہشت گرد آتا ناپاک عزم ءِ مش تا کروک آ ورناتا کارروائی ستاکڑزک، پاکستان اٹی امن و ایمنی سیکورٹی ادارہ غاتامرہون منت ءِ، حکومتی پالیسی تیان ملکی زرگزران سوگو مریک وخت اس کہ سیکورٹی ادارہ غاتا سوب آن ملک دفاعی وڑاٹ سوگو مریک۔ داخیال آتا درشانی ءِ او تینا جاری کروک بیان اٹی کرے۔ میر سلیم احمد کھوسہ پارے کہ قطبی وزیرستان اٹی سیکورٹی فورس آتا کارروائی ٹی 9 دہشت گرد آتا خلنگ آ سیکورٹی فورس آتے خراج تحسین پیش کرسا پارینے کہ ملک دشمن زموار آک ہچ ءُ قیمت اسے آ تینا ناپاک عزم اٹی سرسہب مفسہ، دہشت گرد آتا ناپاک مسخت آتے مش تا کننگ کن سیکورٹی فورس آتا ورناک سوگو ءُ دیوال اسے آنبار سلوک ءُ۔ اوپارے کہ پاکستان اٹی امن و ایمنی ملک انا شونداری و شونہالی کن المی ءِ و سیکورٹی فورس آک امن نا تغ ءِ عملی دروشم اس تننگ ءُ۔ داکان بیدس او اسلام آباد اٹی زالبول آتا تعلیم نا بابت مسلم ورلڈ لیگ کانفرنس نا سرسہب اڈتننگ آ بنجائی حکومت ءِ خراج تحسین پیش کرساپارینے کہ زالبول آتا تعلیم پاکستان نا شونداری کن المی ءِ، دنیا ٹی دا کانفرنس نا اڈتننگ آن پاکستان نا اسہ جوان ءُ کلہو اس ہنانے۔ پاکستان مسلم لیگ (ن) مسن تا کچ اکن گچین گام گیج کننگ ءِ ہرانا مثبت اثرمرتب مریک۔
