کوئٹہ۔ 13 جنوری (اے پی پی) سیکرٹری جا ن جوڑی بلوچستان برانز کننگ یا برانز نا مخ تفی و کمکاری آ بیڈاایکٹ نا رداٹ کارروائی نا پرمان کرے۔ دوشنبے نادے آ سیکرٹری جا ن جوڑی بلوچستان نا کنڈآن غٹ چیف ایگزیکٹیو آفیسرز، ایگزیکٹیو ڈائریکٹر ز، میڈیکل سپرنٹنڈنٹس و ڈسٹرکٹ ہیلتھ آفیسر آتے مراسلہ نمبر SO-ADMIN(H)/2025/13125جاری کننگانے کہ محکمہ جان جوڑی نا اسہ آفیسر اس ہم محکمہ جان جوڑی نا پین ادارہ سے ٹی ہڑتال ، ہڑتال نا مخ تفی یا اوٹی کمکاری کرسا خننگاتو اونا برخلاف بلوچستان ایمپلائز ایفیشنسی اینڈ ڈسپلن ایکٹ 2011ء(بیڈا) نا رداٹ سخت تادیبی کارروائی کننگے۔ مراسلہ ٹی پاننگانے کہ جان جوڑی نا ادارہ سے ٹی ہڑتال یا طبی آسراتی تا فراوانی ٹی اڑاند ءِ ہچ ءُ حالیت اسے ٹی سگنگ پننگک۔ مراسلہ ٹی غٹ آفیسر آتےپارت کننگانے کہ او تینا ادارہ غاتا سیکورٹی آ سلوک عملہ ءِ چوکس تخر۔ سیکورٹی ٹی ڈیوالئی آ ہندا کارندہ و زموار و سیکورٹی فرم آتا برخلاف کارروائی کننگک۔ مراسلہ ٹی غٹ آفیسر آتےپارت کننگانے کہ او تینا ماتحت آفیسر آتے دمدستی وڑاٹ تینا دائرہ اختیار نا رداٹ مراسلہ نا پارت سرکیر۔ مراسلہ ٹی تروک آ پرمان تیا عملدرآمد کپروک آ بندغ یا ادارہ نا برخلاف کارروائی کننگک۔
