اسلام آباد۔10جنوری (اے پی پی): بنجاھی داخلہ ءِ وزیر محسن نقوی ءَ جمیعت علماء اسلام ءِ سروک مولانا فضل الرحمن ءَ گوں آئی ءِ گس ءَ گند ءُ نند کتگ ءُ مولانا فضل الرحمن ءِ جان سلامتی ءِ بابت ءَ جست ءُ پرس کتگ۔ گند ءُ نند ءِ ساھت ءَ وت مہ وتی ھب ءُ واھگ ءِ جیڈھ ءُ ملک ءِ سرجمیں جاور ھال آنی سر ءَ ھم ھیال ریچی کنگ بوت خیبر پختونخوا ھاسیں رنگ ءَ کرم ءَ امن ءِ برجائی ءِ واستہ گامگیج آنی سر ءَ ھم ھیال ریچی کنگ بوت۔ محسن نقوی ءُ مولانا فضل الرحمن ءَ پراچنار ءَ کمکی کاروان آنی آیگ ءِ سر ءَ دل یکیمی ءِ درشانی کتگ۔ بنجاھی داخلہ ءِ وزیر محسن نقوی ءَ گوشت کہ کرم منگ قاسم ءَ امن ءِ واستہ درستیں سٹیک ہولڈر آناں اعتماد آورتگ لھتیں عناصر ءَ زانت ءُ زانت ءَ کرم ءِ جیڈھ ءَ را ردیں رنگ داتگ آئی ءَ جاور ھال آنی گہتری ءِ واستہ گرینڈ جرگہ ءِ مخلصانہ کوشست آناں ساڑات۔ آئی ءَ گیش تران کت کہ مولانا فضل الرحمن ءِ ھلاپ ءَ دیریں وھد ءَ کینگ است انت ءُ پاکستان ءِ ایمنی ءِ تہا مولانا فضل الرحمن ءِ جوانیں کرد ستا کرز انت۔
